مالزینین ایسرائیل قراری
مالزی، 2019 دونیا پارالیمپیک اوزگوچولوک شامپیونلوغونا قاتیلماق ایسته‌ین ایسرائیل‌لی اوزگوچولره قارشی قاداغایا دایر قرارین آرخاسیندا اولدوغونو بیلدیریب
مالزی، 2019 دونیا پارالیمپیک اوزگوچولوک شامپیونلوغونا قاتیلماق ایسته‌ین ایسرائیل‌لی اوزگوچولره قارشی قاداغایا دایر قرارین آرخاسیندا اولدوغونو بیلدیریب.
مالزی گنچ‌لیک و ایدمان باخانی سید صادق، اوزگوچولوک شامپیونلوغونا قاتیلماق ایستئین ایسرائیل‌لی ایدمانچی‌لارین گیریشینه ایجازه وئریلممه‌سی سببین‌دن بین الخالق پارالیمپیک کومیته‌سی‌نین (IPC) آچیقلادیغی شامپیونلوغو‌نون ائو صاحب‌لیگینی مالزی‌دن آلماق قرارینا جاواب وئردی.
بین الخالق پارالیمپیک کومیته‌سی‌نین قراری‌نین مالزینین موقعیتینی دییشدیرمیه‌جگینی وورغولایان سید،
"اولوسلار آراسی بیر ایدمان تدبیرینه ائو صاحب‌لیگی ائتمک (ایسرائیل باش ناظیری بنیامین) نتانیاهو رژیمی طرفین‌دن قتله یئتیریلن فیلیسطین‌لی قارداش‌لاریمیزی دستکلمک‌دن داها اهمیت‌لی‌دیرسه، مالزی ویجدانینی ایتیرمیش دئمک‌دیر." شکلینده دانیشدی.
سید، مالزینین ایسرائیل‌لی اوزگوچولره قارشی قاداغاندا ائتیک بیر سهو اولمادیغینی بیل‌دیره‌رک، بین الخالق پارالیمپیک کومیته‌سی‌نین حکومته قارشی تنقیدلرینه،
" بین الخالق پارالیمپیک کومیته‌سی‌نه خاطیرلاتماق ایستردیک کی، بین الخالق عفو تشکیلاتی و اینسان حاق‌لاری گؤزلمه بئله نتانیاهو حکومتی‌نین ساواش جینایتی جینایتکاری اولدوغونو راپورو ایستاندارد." ایفاده‌لری ایله جواب وئردی.
مالزینین اینسان حاق‌لارینی اؤنجه‌له‌دیگینی وورغولایان سید،
" مالزی، اینسان‌لیق و فیلیسطین اوچون وئردیگی قرارین آرخاسیندا‌دیر. گئری آددیم آتمایاجاغیق." ایفاده‌لرینی ایستیفاده ائتدی.
مالزی حکومتی، 10 ژانویه‌ده ائو صاحب‌لیگی ائدجگی 2019 دونیا پارالیمپیک اوزگوچولوک شامپیونلوغونا قاتیلماق اوچون ویزا مراجعتی ائدن ایسرائیل‌لی اوزگوچولرین اؤلکه‌یه گیریشینی قاداغان ائتمه قراری آلمیشدی.
باش ناظیر ماهاتیر محمد، حکومتین سؤز قونوسو قرارین آرخاسیندا اولدوغونو بیل‌دیره‌رک، "اگر گلسه‌لر جینایت تشکیل ائدیر." آچیقلاماسینی ائتدی.
