قیزیل توپ نامزدلری آچیقلاندی
فرانس فوتبال درگیسی، ۲۰۱۸ قیزیل توپ اؤدولونه نامیزد ۳۰ فوتبالچی معین ائتدی
دونیادا ایلین ان یاخشی فوتبالچیسینا وئریلهن قیزیل توپ اؤدولو اوچون نامیزدلر آچیقلاندی.
فرانس فوتبال درگیسی، ۲۰۱۸ قیزیل توپ اؤدولونه نامیزد ۳۰ فوتبالچی معین ائتدی.
نامیزدلر آراسیندا اؤدولو ۵ دفعه قازانان بارسلونانین آرژانتینلی فوتبالچیسی لیونل مسی ایله یوونتوسون پرتغاللی فوتبالچیسی کریستیانو رونالدونون یانی سیرا، رئال مادرید و کورواسی میللی تیمیندهکی اویونلاری ایله ۲۰۱۸ فیفا ان یاخشی اویونچو اؤدولونه لاییق گؤرولهن لوکا مودریچ ده یئر آلدی.
پاری سن ژرمن دن نیمار و کیلیان امباپه، لیورپولدان محمد صلاح، چلسیدن ادن آزار، آتلتیکو مادریددن آنتوان گریزمانن دا ۳۰ نفرلیک لیستهده.
فرانس فوتبال درگیسینین ۱۹۵۶-۲۰۰۹ ایللرینده داغیتدیغی قیزیل توپ اؤدولو ایله فیفانین ۱۹۹۱-۲۰۰۹ آراسیندا وئردیگی دونیادا ایلین فوتبالچیسی اؤدولو، ۲۰۱۰.جو ایلده "فیفا قیزیل توپ" آدی آلتیندا بیرلشمیشدی.
فیفا ایله فرانس فوتبال، فیفا قیزیل توپ آدی ایله ۲۰۱۰دان اعتباراً وئریلهن دونیادا ایلین فوتبالچیسی اؤدولونده اورتاقلیغا ۲۰۱۶دا سون وئرمیشدی.