بؤیوک فینال بازار گونو اویناناجاق

۲۰۱۸ فیفا دونیا کاپی یاری فینالین‌دا کرواسی ایله اینگیلتره قارشی قارشییا گلدی.

قارشیلاشمانی ۲-۱ قازانان کرواسی فینالدا فرانسانین رقیبی اولدو.

موسکواداکی لوژنیکی ایستادیومون‌دا اوینانان قارشیلاشمادا اینگیلتره ۵.جی دقیقه‌ده کیرن تریپیرین گلویلا ۱-۰ اؤنه گئچدی و ایلک یاری بو نتیجه ایله بیتدی.

کرواسی، ۶۸.جی دقیقه‌ده ایوان پریشیچین ووردوغو گللا نتیجه‌نی برابرلیگه گتیردی.

اویونون ۹۰ دقیقه‌لیک بؤلومونده باشقا گل اولمایینجا قارشیلاشما ۱-۱ تاماملاندی و اوزاتمالارا گئدیلدی.

کرواسی، اویونون ایکینجی اوزاتما بؤلومونون ۱۰۹.جو دقیقه‌سین‌ده ماریو ماندزوکیچین ووردوغو گللا اینگیلتره قارشی‌سین‌دا ۲-۱ اؤنه گئچدی.

۱۲۰ دقیقه سونوندا باشقا گل اولمایینجا کرواسی، اویون‌دان ۲-۱ اودقو ایله آیریلدی و تاریخین‌ده ایلک دفعه فینالا یوکسلدی.

کرواسی فینال‌دا فرانسا ایله قارشیلاشاجاق.

فینال اویونو ۱۵ ژوئیه بازار گونو ساعات ۱۸ده اویناناجاق.