روس فوتبالچی پوللا بورنونو سیلدی
"بو پولو احتیاجی اولان اینسانلارا وئره‌بیلردیم، اما وئرمه‌یه‌جه‌یه‌م چونکو بورنوم چوخ آخیر"
اف‌سی چرتانووو موسکوا کلوبون‌دا اوینایان روس فوتبالچی ایستانیسلاو مانایئو، یولچولوغو سیراسیندا بیر کاغیذ پوللا (۳۳۰ تورک لیراسی دگرینده) بورنونو سیلدی.
بو گؤرونتولری اینستاگرام حسابین‌دا پایلاشان ۱۹ یاش‌لی ایدمان‌چی، بؤیوک تپکی گؤردو.
ویدئودا، چرتانووو موسکوا فورماسی گئین مانایئو،
"بو پولو احتیاجی اولان اینسانلارا وئره‌بیلردیم، اما وئرمه‌یه‌جه‌یه‌م چونکو بورنوم چوخ آخیر" دئدیک‌دن سونرا پولا بورنونو سیلدیگی گؤرونور.
سوسیال مئدیادا بؤیوک اؤفکه‌یه سبب اولان ویدئونون سونرا روسیا ایدمان باخانی پاوئل کولوبوو آچیقلاما وئردی.
کولوبوو،
"هئچ شبهه یوخ کی، سؤزوگئدن ویدئو بو اویونچونون آشاغی ائگیتیم سویه‌سینی گؤستریر. امینم کی، بو اونا بیر درس اولاجاق" دئدی.
روسیا دونیا کاپی تشکیلاتی کمیته‌سینین لیدئری آلکسی سوروکین ده، "مانایئوین ساغلام بیر سیلله‌نی" حاق ائتدیگینی بیلدیره‌رک، روس میلی تیمین‌ده بنزر داورانیشلارین اولمادیغینی وورغولادی.
مانایئو،تپکیلرین آردین‌دان ویدئونو سیلدی.
