تورک اولدوزلاردان ۲۰۵ مدال
رامیل قولییئو، ۲۰۰ مترده قیزیل مدالین صاحبی اولاراق، بیر ایلکی باجاردی
تورک آتلئتلر، ۲۰۱۷.جی ایلده قاتیلدیقلاری ۲۶ شامپیونادا ۲۰۵ مدال قازاندی.
تورکیه آتلئتیزم فدراسیونوندان وئریلن یازیلی آچیقلامایا گؤره، میلی ایدمانچیلار تاریخی بیر مؤوسومو گئریده قویاراق مدال ساییسی باخیمیندان رکوردا قیردی.
گئچن ایل شامپیونالاردا ۱۹۸ مدال قازانان تورکیه، ۲۰۱۷ده داها چوخ مدال الده ائتدی.
تورک ایدمانچیلار، ۲۰۱۷.جی ایلدهکی ۲۶ یاریشمادا ۷۳ قیزیل، ۷۲ گوموش، ۶۰ برنز اولماق اوزره ۲۰۵ مدالین صاحبی اولدو.
تورک ملی یاریشماچیلاری، رومانینین پیتشت شهرینده تشکیل ائدیلن ۲۰ یاش آلتی بالکان شامپیوناسیندا توپلامدا ۲۷ مدال قازاندی (۱۱ قیزیل، ۷ گوموش، ۹ برنز). بو شامپیونا، تورکیهنین ان یوکسک قیزیل مدالینی قازاندیغی شامپیونا اولدو.
تورکیه، ۲۰۱۷.جی ایلده بؤیوکلرده ده تاریخینین ایلک دونیا شامپیونونو چیخاردی. لندندکی دونیا شامپیوناسیندا میدانا چیخان رامیل قولییئو، ۲۰۰ مترده قیزیل مدالین صاحبی اولاراق، بیر ایلکی باجاردی.
تورک ملی یاریشماچیلاری، دونیا اولدوزلار، آوروپا کراس، آوروپا گنجلر المپیک اویونلاری فستیوالی و اسلام دایانیشما اویونلاریندا دا بو گونه قدر آلدیغی ان چوخ مدال ساییسینا صاحب اولدو.