رامیل قولی‌یئو دونیا شامپیونو اولدو

16.جی دونیا آتلتیزم شامپیوناسیندا تورکیه‌نی تمثیل ائدن رامیل قولی‌یئو، کیشی‌لر 200 مترده دونیا شامپیونو اولدو.

اینگیلتره‌نین باشکندی لندنده تشکیل ائدیلن یاریشمالارین 7.جی گونونده، کیشی‌لر 200 متر فینا‌لی ائدیلدی.

فنرباخچانین ایدمانچی‌سی رامیل قولی‌یئو، 20.09لوک درجه‌سیله تورکیه‌یه کیشی‌لر 200 مترده ایلک قیزیل مدالینی قازاندیرا‌راق تاریخه گئچدی.

ت‌رت اسپورا دانیشان قولی‌یئو، بو باشارینی الده ائده‌بیله‌جیینه ایل بویو ایناندیغینی دیله گتیردی.

بو آرادا، پرزیدنت رجب طیب اردوغان، سوسیال پایلاشیم سایتی تویتر حسابین‌دا، "دونیا آتلتیزم شامپیوناسی کیشی‌لر 200 مترده قیزیل مدال قازانا‌راق هامیمیزی غرورلان‌دیران رامیل قولی‌یئوی کؤنول‌دن تبریک ائدیرم" ایفاده‌سینه یئر وئردی.