آمریکا، ایرانلی ایدماچیلارا ویزا یاساغینی قالدیردی
"دونیا کاپینا قاتیلاجاق ایرانلی اوخچولارین ویزاسینین آمریکانین ارمنیستان ائلچیلیگی طرفیندن گئج وئریلمهسی سببیله یاریشمالارا قوشولما ایمکانیمیز یوخدور"
آمریکانین، لاس وگاس شهرینده تشکیل ائدیلهجک اوخچولوق سالون دونیا کاپینا قاتیلاجاق ایرانلی ایدمانچیلارا گتیردیگی ویزا قاداغاسینی یاریشلارین باشلاماسینا 3 گون قالا قالدیردی.
ایران اوخچولوق فدراسیونو باشقانی محمد علی شجاعی، فدراسیونون اینترنت سایتیندا یاییملانان آچیقلاماسیندا، آمریکا پرزیدنتی دونالد ترامپین اهالیسینین اکثریتی مسلمان 7 اؤلکهنین وطنداشلارینا گتیردیگی ویزا قاداغاسینین فدرال محکمه طرفیندن آسقییا آلینماسیندان سونرا لاس وگاسدا تشکیل ائدیلهجک یاریشمالارا قاتیلاجاق ایرانلی ایدمانچیلارا گتیریلن ویزا قاداغاسینین دا قالدیریلدیغینی بیلدیردی .
شجاعی، ایرانلی ایدمانچیلارا یاریشمالارا اوچ گون قالا ویزا وئریلدیگینه دقت چئکهرک،
"دونیا کاپینا قاتیلاجاق ایرانلی اوخچولارین ویزاسینین آمریکانین ارمنیستان ائلچیلیگی طرفیندن گئج وئریلمهسی سببیله یاریشمالارا قوشولما ایمکانیمیز یوخدور" دئدی.
اوخچولوق سالون دونیا کاپی، 10-12 فوریهده آمریکانین نوادا ایالتینه باغلی لاس وگاس شهرینده تشکیل ائدیلهجک.