تورکیه – کوزوو اویونو صاباح آخشام ساعت 20:00-ده

آ میللی فوتبول تیمی‌میز، 2018 فیفا دونیا شامپیونلوغو سئچمه مرحله‌سی‌نین I قروپونداکی دؤردونجو اویونوندا صاباح آخشام کوزوو ایله قارشی‌لاشا‌جاق.

ایلک 3 موسابیقه ده قالیبیت الده ائده بیلمه‌ین، 2 برابرلیکله دؤردونجو پیلله‌ده قرارلاشان آی اولدوزلو اکیپ، بیر امتیاز ایله سون پیلله‌ده یئرلشن کوزوو قارشی‌سیندا 3 امتیازی هدفلییر.

آنتالیا استادیوموندا ساعت 20.00 –ده  باشلایا‌جاق قارشیلاشمانی مجارستان فوتبول فدراسیونوندان تاماس بوگنار ایداره ائده‌جک.

بالازس بوزاس و سولت وارگانین کؤمکچی داور اولا‌راق وظیفه آلاجاغی موسابیقه‌نین دؤردونجو حاکمی ایسه فرنج کاراکو اولا‌جاق.

تورکیه میللی‌سینین باش مشقچی‌سی فاتح تریم، بارسلونا-دان آردا توران، قالاتاسارای- دان سلجوق اینان، بشیکتاش-‌دان گؤکهان گؤنول و بیژینگ گووان-‌دان بوراک ییلمازی، 2016 آوروپا شامپیونلوغوندان سونرا ایلک دفعه میللی تیمه دعوت ائتدی.

تریم‌ین تعیین ائتدیگی آدای لیسته‌سینده باشاک شهیردن یالچین آیهان و مهمت باتدال ایله فاینورد-دان بلال باشاجیک اوغلو ایلک دفعه چاغیریلدی. ایسپانیا بیرینجی فوتبول لیگینده (لا لیگا) دئپورتیوده اوغورلو بیر مؤوسوم کئچیرن امره چولاک دا بیر ایل آرا‌دان سونرا آ میللی تیمینین هئیتینده یئر تاپدی.