گراند سلم تنیس توروندا آلمانیالی آنجلیک کربر، شامپیونلوغا چاتدی

فصلین سون گراند سلم تنیس تورو آمریکا آچیق تنیس تورونون تک قادین‌لار فینالیندا چک کارولینا پلیسکووانی 2-1 مغلوب ائدن آلمانیالی آنجلیک کربر، شامپیونلوغا چاتدی.

آمریکانین نیو یورک شهرین‌دکی آرتور آش کورتوندا اوینانان موسابیقه‌نین تک قادین‌لار فینالیندا دونیا 1 نؤمره‌سی کربر ایله 10 نؤمره‌لی سریباشی پلیسکووا قارشی-قارشییا گلدی.

ایکی ساعات 7 دقیقه داوام ائدن اویونو 6-3، 4-6 و 6-4لوک ست‌لرله 2-1 قازانان کربر، آمریکا آچیقداکی ایلک، اوسترالیا آچیق تنیس تورونون آردین‌دان بو ایل ایکینجی گراند سلم ظفرینه ایمضا آتدی.

آنجلیک کربر، کاریئرینده 22 گراند سلم ظفری اولان ایستفی گراف-ین آردیندان بو تشکیلاتدا خوشبخت سونا چاتان ایلک آلمان تنیسچی عنوانینی قازاندی.

مسابیقه‌یه 2 نؤمره‌لی سریباشی اولا‌راق قاتیلان 28 یاشین‌داکی کربر، آمریکالی سرئنا اویلیامسین یاری فینالدا پلیسکووایا ائلنمسیندن سونرا قادین‌لاردا دونیا 1 نؤمره‌سی‌نین یئنی صاحبی اولموشدو.

چک تنیسچی کارولینا پلیسکووا ایسه ایلک دفعه بیر گراند سلم فینالیندا موباریزه ائتدی.