تورکیه میللی تنیسچی چاغلا بوگوکاکچای آمریکالی رقیبی مغلوب ائده‌رک، 2. دؤوره یوکسلمگی باجاردی

چاغلا بوگوکاکچای، فرانسا آچیق و ویمبلدون‌دان سونرا کاریئری‌نین 3-جو گراند اسلم تجروبه‌سینی یاشادی و آمریکا آچیقدا ایکینجی تورا یوکسه‌لن ایلک تورک قادین تنیسچی اولا‌راق تاریخه کئچدی

561910
تورکیه میللی تنیسچی چاغلا بوگوکاکچای آمریکالی رقیبی مغلوب ائده‌رک، 2. دؤوره یوکسلمگی باجاردی

تورکیه میللی تنیسچی چاغلا بوگوکاکچای، موسومون سون "گراند اسلم" تنیس توروندا آمریکا آچیق تنیس تورونون ایلک گونونده آمریکالی رقیبی ایرینا فالکونی‌نی 6-2 و 6-1لیک ست‌لرله 2-0 مغلوب ائده‌رک، 2. دؤوره یوکسلمگی باجاردی.

بو ایل رولاند گاروس دا 2. تورا یوکسه‌له‌رک "بیر گراند اسلم توروندا آنا تابلو اویونونا چیخان و اویونو قازانان" ایلک تورک قادین تنیسچی عنوانینی آلان چاغلا بوگوکاکچای، آمریکانین نیویورک شهرینده تشکیل ائدیلن بیرینجی تور اویونوندا رقیبی دونیا سیرالاماسی‌نین 75. باساماغینداکی فالکونی' نی 2-2 برابره گئدن ایلک ستده 6-2 ایله کئچدی. ایکینجی ستده 4-0لیق بیر سری یاخالایان دونیا سیرالاماسی‌نین 66 نؤمره‌سی چاغلا، ستی 6-1 قازاندی و اویوندان 2-0 غالیب آیریلا‌راق، آدینی بیر اوست دؤوره یازدیردی.

تورکیه‌نی اولمپیاد‌لاردا تمثیل ائدن ایلک تنیسچی اولان 26 یاشین‌داکی چاغلا بوگوکاکچای، فرانسا آچیق و ویمبلدون‌دان  سونرا کاریئری‌نین 3-جو گراند اسلم تجروبه‌سینی یاشادی و آمریکا آچیقدا ایکینجی تورا یوکسه‌لن ایلک تورک قادین تنیسچی اولا‌راق تاریخه کئچدی.

دیگر طرف‌دن چاغلا، آوریل آییندا، تورپاق زمینده تشکیل ائدیلن TEB BNP Paribas İstanbul Cup-ی قازانا‌راق WTA توروندا شامپیونلوق یاشایان ایلک تورک تنیسچی اولموشدو.

میللی تنیسچی، ایکینجی توردا، لتونی‌لی جلنا اوستاپنکو-نو 2-0 مغلوب ائدن چک ایدمانچی پترا کویتووا ایله موباریزه ائده‌جک.



ایلگیلی‌لی خبرلر