تورکیه پنجره سیندن اورتادوغو(47)
ترامپین ترور موضوعسونا بو شکیلده باخیشی، السیسی کیمی اوتوریتر لیدرلره سمپاتیسی باخماسینی تامین ائدیر
تورکیه پنجره سیندن اورتادوغو(47)
8 نوامبر 2016 دا تشکیل ائدیلن آمریکا پرزیدنتلیک سئچیملرینی جمهوریتیچی نامیزد ایش آدامی دونالد ترامپ قازاندی. کئچن هفتکی پروقرامدا ترامپ دؤورونده آمریکانین عمومیتله یاخین شرق سیاستینین اولابیلهجک سئیری اوزرینده دایانمیشدی. بو هفته، میصر و فیلیسطین مزمونوندا ترامپ دؤورونون نه گتیرهجگی اوزرینده دایاناجاغیق.
کئچن هفته آیریجا ترامپین ترورو، ایسلامین اجتماعی حیاتدا گؤرونورلوغویله عینی گؤرن بیر دونیاگؤروشونه صاحب اولدوغونا توخوندوق. بو تأسف کی، ایسلاموفوبیک دئیه بیلهجگیمیز بیر دونیاگؤروشو. بو باخیش گووئنلیکچی آنلاییشین مرکزینه اوتورونجا، ایسلامی زمینده حیات تاپان اجتماعی حرکتلرین اؤتهکیلشدیریلمسینه یول آچیر. بو مزموندا میصر کؤکنلی مسلمان قارداشلار حرکاتی کیمی میدانا گلمهلر دا تروریست موقعیتینه سوخولماقدالار. ایشده بو نقطهده میصر پرزیدنتی عبدالفتاح السیسی ایله ترامپ بیر اورتاق نقطهده بیرآرایا گلمکدلر.
ترامپین ترور موضوعسونا بو شکیلده باخیشی، السیسی کیمی اوتوریتر لیدرلره سمپاتیسی باخماسینی تامین ائدیر. ترورون قارشی-شیدت، قارشی-شیدتین ده گوجلو لیدر طلب دوشونجهسیندن حرکت ائدیر ترامپ. بو سببله، سپتامبر آییندا نیویورکدا ائتدیکلری گؤروشمهده ترامپ، السیسینی "فانتاستیک شخص" اولاراق خاراکتریزه ائتمیشدیر. ترامپ هر فورصتده "میصرین ترورا قارشی موباریزهسی"نه دستگینی آچیقلامیشدیر. آیریجا آمریکانین، میصرین هر زامان اعتبارلی و صادق بیر دوستو و موتتفیقی اولاجاغینی ایفاده ائتمیشدیر.
بیرلشمیش میللتلر تشکیلاتینین عمومی قورولو توپلانتیلاری اثناسیندا میصرلی میللت وکیللری ایله گؤروشن ترامپین خاریجی سیاست دانیشمانی ولد فاریس ده ترامپین مسلمان قارداشلارین تروریست تشکیلات اولاراق تانییاجاغینی ایفاده ائتمیشدیر. بو باخیمدان ترامپا ایلک تلفون ائدهرک قوتلایان لیدرین السیسی اولماسی اولدوقجا معنالی. اوباما حکومتی 2013 ده مداخیلهسی نتیجهسینده ایش باشینا گلن السیسی حکومتینی تانیماقدا هئچ بیر چتینلیک چکممیشدی. آنجاق زامان زامان واشینگتون، قاهیرهنی تنقید گریی گؤرموشدور. آیریجا میصرین ساتین آلدیغی سیلاحلارین تسلیمی و نیظامی کرئدیتلرین موقتی اولاراق تاخیره آلیندیغی دا اولموشدور. السیسی و اطرافی بونو اوباما حکومتینین مسلمان قارداشلار طرفداری توتومو اولاراق گؤرمگی ترجیخ ائتمیشدیر.
السیسی شامداکی اسد رژیمیله علاقهلرینی اینکیشاف ائتدیرمهیه باشلامیشدیر. سودیه اربیستانی ایله علاقهلرینین سویوماسی نتیجهسینده خاریجی سیاستینده روسیایا داها یاخین دایانماغا باشلامیشدیر. آیریجا میصر تاریخینده ایلک دفعه ایسرایلین بیرلشمیش میلتلر کومیسیونلاریندا بیرینه سئچیلمهسی اوچون سس ده ایستیفاده ائتمیشدیر. السیسی، ترامپ دؤورونده ایزلنیلهجک آمریکانین یاخین شرق سیاستینین میصرین بؤلگه سیاستی عمومیتله اویغون اولاجاغی قناعتیندهدیر.
ترامپ دؤورونده آمریکانین یاخین شرق سیاستیندن ان منفی شکیلده فیلیسطینلیلرین تاثیرلنهجگی گؤرولمکدهدیر. سئچیم کامپانیاسینین ارکن مرحلهلرینده ترامپ، ایسرائیل و فیلیسطینلیلر آراسیندا پروبلمین حلّی باخیمیندان طرفسیز اولاجاغینی بیلدیرمیشدی. آیریجا ایسرائیله ائدیلن میلیاردلارلا دولارلیق نیظامی یاردیمین دا منطیقلیلیغینی سورغولامیشدی. علاوهدن ترامپ، ایکی دولتلی حلّدن یانا اولدوغونو ایفاده ائدهرک قودسون ایسرائیلین باشکندی اولماسینا قارشی چیخمیشدی.
آنجاق سئچیم کامپانیاسینین ایرهلیلهین دؤورهلرینده، هیلاری کلینتوندان بو موضوعدا آلدیغی تنقیدلر سونراسیندا، ترامپ فیلیسطین پروبلمی اساسیندا رادیکال بیر ایفاده دییشیکلیگینه گئتدی. اؤن سئچیملر زامانی، دموکرات بئرنی سندرز خاریجینده هر ایکی پارتینین نامیزد نامیزدلری ان پرو-ایسرائیل سیاستچی اولما موضوعسوندا بیر رقابته گیردیلر. بو مزموندا ترامپ، ایکی دولتلی حلّدن سؤز ائتممهیه باشلادی. پرو- ایسرایل اولماغی آمریکانجیلیغین اولمازسا اولمازی اولاراق گؤردوگونو سؤیلهدی. و ایسرائیلی هئچ بیر زامان بیر ایشغالچی گوج اولاراق گؤرمدیگینی ایفاده ائتدی. غرب شرعییهدکی یئرلشملرین سرعتله آرتماسینا دا تام دستک وئردیگینی آچیقلایان ترامپ قودسو ایسرائیلین باشکندی اولاراق تانییاجاغینی و آمریکا سفیرلیگینی اورایا داشییاجاغینی آچیقلادی.
سئچیم نتیجهلری آچیقلاندیغیندا السیسینین یانیندا، یاخین شرقده ان چوخ ممنون اولانلار آراسیندا ایسرائیل باش ناظیری بنجامین نتانیاهو قاتیلدی. ترامپی قوتلایان نتانیاهو، ترامپا سئچیم کامپانیاسی اثناسینداکی وعدلرینی خاطیرلاددی. یئرلشمجی حرکتینین اهمیتلی شخصیتلردن تحصیل ناظیری نافتالی بئننئتت ده سئچیم نتیجهلرینی ایکی دؤولتلی حلین و فیلیسطین دؤولتی آختاریشلارینین سونو اولاراق گؤردوگونو ایفاده ائتدی. غرب شرعییهدکی یهودی بؤلگهسل شوراسی باشقانی یوسی داقان دا سئچیم نتیجهلرینی یئرلشملرین قاداغا اولمادان داوام ائتمهسینه یاشیل ایشیق اولاراق قیمتلندیردی.
یاخشی، ترامپین سئچیم کامپانیاسی اثناسیندا فیلیسطین سورونونا یؤنلیک ائتدیگی رفتاردان دؤنمهسی مومکون مو؟ باشقان کؤمکچیسی مایک پئنس داخیل اولماقلا، ترامپین ائترادینداکی قروپ پرو- ایسرائیل کسکین ساغچی سیاستچی و دانیشمانلاردان میدانا گلیر. بو چرچیوهده چوخ چوخ بیر گئری آددیم آتما سؤز موضوعسو اولمایاجاق. یالنیز قودسون ایسرائیلین باشکندی کیمی تانینماسی مسئلهسینی اونوتماغی سئچیم ائده بیلر.
نتانیاهو ایله ترامپین بیر-بیرلرینه یاخینلاشدیران دیگر خوصوص، ترامپین ایرانلا ائدیلن نوکلئر موقاویلهنی تکرار مذاکیرهیه آچما سؤزودور. بو چرچیوهده ایکیلینین یاخین بیر امکداشلیق ایچینده اولماسی گؤزلنیله بیلر. یالنیز، ترامپ حکومتی ایرانین اوزرینه گئتمهسی وضعیتینده، روسیا ایله یاخین شرقده یاراتماق ایستدیگی سیاست کووردیناسیونو باخیمیندان پروبلم یاشایابیلر.
لاکین ترامپین میصر سیاستی ایله فیلیسطین / ایسرائیل سیاستی بیر-بیرلرینی تاماملاییر خصوصیتدهدیر. ایسرائیلین حماسا قارشی سیاستی ایله میصرین مسلمان قارداشلار سیاستی اوست-اوسته دوشور. و بو ترامپین "ترورا قارشی موباریزه" آنلاییشینا دا یاشاییر. آیریجا میصر-ایسرائیل علاقهلرینین درینلشمهسی، ایسرائیلین امنیتی باخیمیندان میصرین ایمتیناع گوجلندیرمکدهدیر.
ایلگیلیلی خبرلر
تۆرک جمهوریتلرینین گوندمیندهکی گلیشمهلر
حاضردا دونیانین ۱۵ اؤلکهسینده ۲۹ آذربایجان ائوی خیدمت ائتمکدهدیر