تورکیه‌نین کولتور خزانه‌سی (45)

آتاتورک 1938-جی ایلده حیاتا وداع ائتمه‌دن "منیم ان بؤیوک اثریم جمهوریتدیر" دئیه‌رک میراثینی ایشاره ائتمیشدی

617930
تورکیه‌نین کولتور خزانه‌سی (45)

تورکیه‌نین کولتور خزانه‌سی (45)

 

تورکیه‌نین کولتور خزانه‌لرینی بو هفته سیزلره جمهوریتمیزین قوروجوسو اولو اؤندر مصطفی کمال آتاتورکون آنیت مزاری اولان آنیتکابیری تانیداجاغیق.

 

 

آتاتورک 1938-جی ایلده حیاتا وداع ائتمه‌دن "منیم ان بؤیوک اثریم جمهوریتدیر" دئیه‌رک میراثینی ایشاره ائتمیشدی. جمهوریتمیزین قوروجوسو ایستانبولدا دولماباغچه ساراییندا 10 نوامبر 1938 گونو آرامیزدان آیریلدی. بؤیوک موباریزه‌لرله، امکلرله، اینقیلاب‌لارلا اینشا ائتدیگی معاصیر جمهوریتسی تورک میللتینه امانت ائتمیشدی. اونون ایتکی‌سی میللتیمیزی 7 دن 70 ه بؤیوک بیر کدره قرق ائتدی. دولماباغچه ساراییندا حاضیرلانان کاتافالکی‌نین قارشی‌سین‌دان بوتون ایستانبول خالقی کدرله آغلایا‌راق کئچدی. 1. دونیا ساواشین‌دان مغلوب ساییلا‌راق چیخان عثمانلی ایمپراتورلوغو سئور کیمی حاق‌سیز راضیلاشما‌لارلا داغیتمانین ائشیگینه گلمیشدی. باشکند ایستانبول، ایزمیر و آنادولونون بیر چوخ یئری غالیبلرجه ایشغال ائدیلیردی. بو قاران‌لیق گون‌لرده باشلاددیغی میلی موباریزه‌دن غالیب چیخا‌راق گنج جمهوریتسی قوران آتا، 1938-جی ایلده آرامیزدان آیری‌لانا قدر یئنی دولتیمیزی شکیللندیرمه‌یه چالیشدی.

--------

آتاتورک، ایستانبول‌دان آنکارایا گتیریله‌رک اتنوقرافیا موزه‌‌سینده اینشا ائدیلن موقتی مزارینا قویولدو. اوزون آراشدیرما‌لاردان سونرا جمهوریتمیزین قوروجوسونا یاراشار بیر مزار تیکیلمه‌سی اوچون آنیت تپه سئچیلدی. آنیت تپه‌نین اسکی آدی بورادا اولان بیر نئچه اسکی بینانین رصد مقصدیله ایستیفاده ائدیلمه‌سین‌دن اؤتورو رصد تپه‌یدی. بورا سرعتله مصا‌دیره ائدیلدی. تشکیل ائدیلن میللی یاریشمادا آنیتکابیرین اینشاسی اوچون پروفسور امین اونات و اورهان آردانین پروژه‌سی سئچیلدی. گونوموزدکی آنیتکابیر اونلارین اثری‌دیر. 1943ده باشلایان تیکینتی 1953-ده بیتیریلدی. بؤیوک بیر مراسیمله آتاتورک ائتنوقرافیا موزه‌سین‌دکی موقتی مزارین‌دان آلینا‌راق سون‌سوزا قدر دینلنه‌جگی آنیتکابیرین آپاریلدی. آنکارا خالقی آتاسینا دویدوغو شوکرانه بو نقل اثناسیندا گؤستردی.

-------

3000 متر مربعلیک بیر ساحه‌ده آرامگاه، قورتولوش ساواشی و اینقیلاب‌لارلا باغلی اثرلرین سرگیلندیگی بؤیوک بیر کومپلکسه چئوریلن آنیتکابیر موزه‌سی ایندیکی واختدا مین‌لرله یئرلی خاریجی طرفین‌دن زیارت ائدیلیر. آنکارایا خاریج‌دن گلن‌لرین ایلک گؤرمک، زیارت ائتمک ایستدیک‌لری یئرلرین باشیندا گلن آنیتکابیر، قورتولوش ساواشی و اونون لیدری مصطفی کمال آتاتورکه حؤرمت گؤستریلن اهمیت‌لی بیر مدنی اثریمیزدیر. 1960-جی ایلدن اعتباراً آتاتورکه عایید خصوصی اشیا‌لارین، خاریجی دولت باشقان‌لاری‌نین اونا وئردیگی هدیه‌لرین ده سرگیلندیگی موزه‌ده عینی زاماندا آتاتورک پوسترلری کیمی هدیه‌لیک اشیا ساتیشی دا ائدیلیر. آنکارانی زیارت ائدن خاریجی دولت ایشچی‌لری پروتوکول گریی موطلق آنیتکابیرین زیارت ائدر، آرامگاها چلنگ قویا‌راق، خاطیره دفترینه تصورات‌لارینی یازار. هر ایل مین‌لرله شاگیردین ده زیارت ائتدیگی آنیتکابیر آنکارانین ان گؤزده مکانلاریندان‌ بیری‌دیر. آنکارانین قالا هامیسین‌دان گؤرولن آنیتکابیر، آنکارا منظره‌سینده قالا ایله بیرلیکده ان دقت چکن یئردیر. قورتولوش ساواشی اؤندریمیزین آنی‌سی‌نین هله تورک میلتی‌نین کؤنلون‌دکی یئری ان آسان بورادا آیدین اولار. صاباح 10 نوامبردا بیر دفعه داها اؤلوم ایل دؤنومونده یادا سالاجاغیمیز اولو اؤندریمیزین بیزلره بوراخدیغی جمهوریت و دموکراسیمیزله غورور دویوروق.

------------

سئس: اؤلکه‌میزی زیارت ائتدیگینی تقدیرده یولونوز آنکارایا دوشسه تورک میلتی‌نین عزیز آتاسی‌نین سون‌سوز یاشاییش یئرینی ده زیارت ائتمه‌نیز دیلییله.



ایلگیلی‌لی خبرلر