تورکیه‌نین کولتور خزانه‌لری(35)

تورکیه‌نین کولتور خزانه‌لری(35)

تورکیه‌نین کولتور خزانه‌لرینی بو هفته سیزلره تورکیه‌نین اهمیت‌لی توریزم مرکزلرین‌دن گونشی، تاریخی، ساحیللریله مشهور توریزم بؤلگه‌سی سیده-نی تانیداجاغیق. سیده آغدنیزی ساحلینده آنتالیا- آلانیا آراسیندا اولور. شوپهه‌سیز کی، مذاکیره‌سیز تورکیه‌نین ان اهمیت‌لی توریزم بؤلگه‌لرین‌دن بیری اولان آنتالیادا دنیزی و تاریخی اثرلری بیر آرادا ساخلایان نادیر یئرلردن بیری‌دیر. میلاددان اؤنجه 700لرده بؤلگه‌نی کولونیلشدیرن یونان گؤمنلر طرفین‌دن قورولدو. یئرلی آنادولو خالقی‌نین دیلینی ده دانیشماغا باشلایان گؤچمن‌لر مدت ایچینده شهرین اینکیشافینی تامین ائتمیش‌دیر. سیده سؤزو نار معناسیندا‌دیر و قطعی‌لیکله آنادولو منشأ‌لی‌دیر. آغدنیزی‌نین جننت‌لرین‌دن بیری اولان سیده شهری سیزی بیر طرف‌دن هر طرفده قارشینیزا چیخان تاریخی اثرلری ایله بیر طرف‌دن بنزرسیز دنیزی قارشیلایار. سیده ساحل‌لرینده 5 کیلومتر قدر آچیقدا بئله بویو کئچمه‌ین درین‌لیکده دنیزی دقت چکر. اوزمه بیلمه‌ین‌لرین بئله راحتجا آچیلابیله‌جگی دنیزده قارینینیزا قدر گلن سو یوکسکلیگینده ایسته‌سه‌نیز اوزر ایسته‌سه‌نیز گئده‌بیله‌رسیز. محتشم آغدنیزی گونشی ساحیلده یئر آلان سیده آنتیک شهری‌نین تاریخی اثرلری و داها ایره‌لیده مئشه‌نین یاشی‌لی دادینا دویولماز گؤزل‌لیک‌لر سرگی‌لر.

--------

میلاددان اؤنجه 5. یوز ایلده پرس حاکیمیتی اثناسیندا بئله اؤز پولونو باسابیلمسی سیده شهری‌نین موستقیل‌لیگینی قورودوغونو گؤستریر. دنیزه دوغرو چیخینتی ائدن بیر یاریمادادا اولماسی اطرافی‌نین گوجلو سورلارلا قورونماسینا باخمایا‌راق بؤیوک ایسکندر بؤلگه‌یه گلدیگینده سیده ساواشما‌دان تسلیم اولدو. هم ائیلنجه، هم ده علم و تیجارت ساحه‌لرینده آغدنیزی ساحلینده اهمیت‌لی بیر یئره صاحب ایدی. بو اهمیتی یؤنونده شهر آنتیک دؤورون بازاری اولا‌راق بیلینن بؤیوک بیر آگورا-یا، بیر یولون ایکی طرفینده اولان سوتون‌لارین آراسیندا یئر آلان دوکان‌لارا صاحب ایدی. آگورا-نین سودون و کمرلی یولونون سونوندا آنتیک تئاترا چاتیلار. ایندیکی واختدا بئله محتشم خصوصیت‌لره صاحب تئاتردا بیر زامان‌لار تئاترین کلاسیک‌لری نوماییش ائتدیریلیردی. تئاتر اویون‌لاری‌نین یانیندا گلادیاتور دؤغوشلرینه، اعداما محکوم ائدیلن‌لرین وحشی حیوان‌لارا بوراخیلدیغی گؤستریلره ده ائو صاحب‌لیگی ائتمیش‌دیر. ایندیکی واختدا دا زامان زامان کونسرت‌لر وئریلیر و آنتیک تئاتر 2000 ایله یاخین‌لاشان کئچمیشیله اینسان‌لاری اؤزونه چکمه‌یه داوام ائدیر. خالقین احتیاج‌لارینی قارشیلاماق اوچون معبدلر و دیگر بینا‌لار دا آگورا اطرافیندا یئر آلیردی. ایندیکی واختدا سیده موزه‌سی اولا‌راق خیدمت وئرن و بیر-بیرین‌دن بنزرسیز تاریخی اثرلره ائو صاحب‌لیگی ائدن روما حمامینی دا زیارت ائتمه‌نیزی ده توصیه ائدیریک. سیده آنتیک شهرین‌دکی ان اهمیت‌لی معبدلرده بیری یاریمادانین ان اوج نقطه‌سینده اولان آپوللون گونش-موسیقی-ساغلیق تانری‌سینا هدیه ائدیلمیش‌دیر. بو معبد موقعیتی اعتباریله دنیز اوزرین‌دن یوکسه‌لن گونشین دوغوشونو و آخشام اولدوغوندا باتیشینی گؤرمک اوچون ایمکان وئریر. یاریمادانین ان اوجوندا اولماسییلا سیدئنین ان چوخ گونش آلان یئری‌دیر. اگر گونون بیرینده سیده‌ده یولونوز دوشسه بورادا گون دوغومو و یا باتماسینی سئیرائتمنیز و خاطره فوتوشکیل‌لری چکمک مصلحت‌دیر. بو بؤلگه‌دکی دیگر بیر تاپیناقسا شهرین قورویوجو تانریچه‌سی یاخشی مقصدلی ساواشین تانریچه‌سی آتئنا معبدی‌دیر. شهرین سرعتله آرتان ایچمه‌لی سو احتیاجی 40 کیلومتر اوزاق‌دان ماناوگات چایین‌دان سو کانال‌لاری ایله تامین ائدیلیردی. بو کانال‌لارین بیر قیسمی هله ده آیاقدا. او دؤوردکی مهندیس‌لیگی باشاریلی نومونه‌لری اولا‌راق هله آیاقدا دایانیر. بیر دؤور قولدورلارین الینه کئچمه‌سینه باخمایا‌راق مشهور روما‌لی ژنرال پومپئی طرفین‌دن روما حاکمیتینه قازاندیریلدی.

------------

روما حاکمیتی یئنی‌دن قیزیل دؤورونو یاشایان سیده‌ده ایندیکی واختدا ده زیارت ائدیله بیله‌جک بیر-بیرین‌دن گؤزل بیر چوخ تاریخی اثر ائدیلدی. خریستیانلیغین قبولویلا بیر متروپوله چئوریله‌رک اهمیتینی قورودو. عرب آخین‌لاری نتیجه‌سینده یئرلی خالق سیده‌ده ترک ائده‌رک داها اعتبارلی گؤردوگو آنتالیایا کؤچوب. سیده‌ده سلجوق‌لو و عثمانلی دؤورونده یاشایان اولمادیغی اوچون بو دؤورلره عایید اثرلر تاپیلماز. رودوس‌دان آیریلماق مجبوریتینده قالان تورک‌لرین عثمانلی دؤورونده سیده‌ده یئرلشمسیله بورادا قوردوق‌لاری کنده سلیمییه دئییلمه‌یه باشلامیشدیر. هر ایل مختلیف اولوسلار آراسی موسیقی فستیوال‌لارینا دا ائو صاحب‌لیگی ائدن سیده بؤلگه‌ده ان چوخ زیارتچی چکن مرکزلردن بیری‌دیر. گونون بیرینده آنتالیایا یولونوز دوشسه سیده‌ده ده موطلق واخت آییرماق دیلییله.