احمد الشرع تورکیهیه سفر ائدیر: سوریهده سون وضعیت موذاکیره اولوناجاق
احمد الشرع جمهور باشقانی رجب طیب اردوغانین دعوتینه جاواب اولاراق بو گون تورکیهیه سفر ائدهجک؛ آنکارادا کئچیریلهجک گؤروشمهلرده اؤلکهدهکی سون اینکیشافلار و اورتاق تدبیرلر موذاکیره اولوناجاق.

سوریه عرب جمهوریتینین کئچید دؤورو پرزیدنتی احمد الشرع، جمهور باشقانی رجب طیب اردوغانین دعوتینه جاواب اولاراق، بو گون تورکیهیه سفر ائدهجک.
ارتباطات باشقانی فخرالدین آلتون، سوسیال مئدیا حسابیندان ائتدیگی آچیقلامادا بیلدیریب کی، سوریه عرب جمهوریتینین کئچید دؤورو پرزیدنتی احمد الشرع بو گون پایتاخت آنکارایا گلهجک.
آلتون قئید ائتدی کی، پرزیدنت اردوغانین دعوتینه جاواب اولاراق تشکیل اولونان سفر چرچیوهسینده، جمهور باشقانلیغی ساراییندا کئچیریلهجک گؤروشمهلرده سوریهدهکی سون وضعیت هرطرفلی موذاکیره اولوناجاق و اؤلکهده ایقتیصادی برپا، دواملی ثابتلیک ایله تهلوکه سیزلیگین تامین اولونماسی ایستیقامتینده آتیلاجاق اورتاق تدبیرلر قیمتلندیریلهجک.
گؤروشمهلر زامانی همچنین کئچید دؤورو ایدارچیلیگی و سوریه خالقینا چوخ طرفلی پلتفرمالار واسیطهسیله گؤستریله بیلهجک دستک مسئلهلرینه ده دقت یئتیریلهجک.
علاوه اولاراق، آلتون بیلدیریب:
"سوریهنین آزادلیغا قوووشماسیندان سونرا یئنیدن قورولان تورکیه-سوریه علاقهلرینین، جناب احمد الشرع و هئیتینین سفری ایله داها دا گوجلنه جگینه و گئنیشلنهجگینه اینانیریق."
ایلگیلیلی خبرلر

تورکیهنین قیزیل آلما پیلوتسوز دؤیوش طیارهسی لایحهسینین موتور سیناقلاری داوام ائدیر
قیزیل آلما رادارلاردان گیزلنمک و هاوادان هاوایا راکئتلریندن آتش آچماق قابیلییتی ایله دقت چکیر

تورکیهدن غزهیه گؤندریلن اینسانی یاردیم ۹۶ مین ۱۳۱ تونا چاتیب
تورکیهنین ۱۵-جی غزه یاخشیلیق گهمیسی میصیرین العریش لیمانینا چاتیب