تورک هاوا یوللاری سوریهیه اوچوشلاری یئنیدن باشلادی
تورک هاوا یوللاری ۱ آپرئل ۲۰۱۲-جی ایلده اؤلکهدهکی ایچ ایغتیشاشلار سببیندن دایاندیردیغی سوریهیه اوچوشلاری بو گون ایستانبول-دمشق سفری ایله برپا ائدیب.

تورک هاوا یوللاری ۱ آپرئل ۲۰۱۲-جی ایلده اؤلکهدهکی ایچ ایغتیشاشلار سببیندن دایاندیردیغی سوریهیه اوچوشلاری بو گون ایستانبول-دمشق سفری ایله برپا ائدیب.
تورک هاوا یوللارینین ۱۳ ایلدن سونرا سوریهنین پایتاختی دمشقه پلانلاشدیریلان ایلک اوچوشو ایستانبول هاوا لیمانیندان قالخان "ت.ک ۸۴۶" اوچوش کودو اولان گئنیش گؤودهلی اوچاق ایله حیاتا کئچیریلیب.
سحر ساعاتلاریندا ایستانبول هاوا لیمانینا گلن یولجولاردان بعضیلری مینمه قاپیسی قارشیسیندا سئوینج نوماییش ائتدیریب.
بیر چوخ سوریهلی ایللرله ترک ائتمک مجبوریتینده قالدیقدان سونرا اؤلکهلرینه قاییتماغین سئوینجینی یاشادی. بعضی یولجولارین سوریه اینقیلابی بایراغی داشیدیغی گؤرولوب.
عمومیلیکده ۳۴۹ یؤلجو دمشق بین الخالق هاوا لیمانینا گئتمک اوچون بیلط و پاسپورت نظارتیندن سونرا میندیریلیب.
تورکیه واختی ایله ساعات ۰۹:۰۰-دا ایستانبول هاوا لیمانیندان قالخان تورک هاوا یوللاری اوچاغینین تخمیناً ۲ ساعاتلیق اوچوشدان سونرا دمشق بین الخالق هاوا لیمانینا ائنیشی پلانلاشدیریلیر.
ایلگیلیلی خبرلر

عراقین شیمالینداکی آسوس بؤلگهسینه ۶ تئررورچو هلاک اولدو
میللی مودافیعه ناظیرلییی طرفیندن ائدیلن شرحده، تئرورو قایناغیندا محو ائتمه قرارلیلیغی وورغولاندی