۲۰۲۴-جو ایلده دونیادا ۱,۴ میلیارد اینسان اؤلکهلر آراسیندا سیاحت ائدیب
بیرلشمیش میللتلر تشکیلاتی، دونیا توریزم تشکیلاتی ۲۰۲۴-جو ایلده دونیادا ۱,۴ میلیارد اینسانین اؤلکهلر آراسیندا سیاحت ائتدیگینی آچیقلاییب.

بیرلشمیش میللتلر تشکیلاتی (بمت) دونیا توریزم تشکیلاتی ۲۰۲۴-جو ایلده دونیادا ۱,۴ میلیارد اینسانین اؤلکهلر آراسیندا سیاحت ائتدیگینی و بو رقمله بین الخالق توریزم سئکتورونون تاریخینین ان پیس بحرانی اولان جووید-۱۹ پاندئمی دؤورونو (۲۰۲۰-۲۰۲۱) گئریده قویدوغونو آچیقلاییب.
قرارگاهی ایسپانیانین مادرید شهرینده یئرلشن بمت-نین دونیا توریزم تشکیلاتیندان وئریلن آچیقلامایا گؤره، ۲۰۲۴-جو ایلده ۱,۴ میلیارد اینسان بین الخالق صیاحته چیخاجاق کی، بو دا اوولکی ایلله موقاییسهده یوزده ۱۱ (تخمیناً ۱۴۰ میلیون آرتیش) آرتاراق پاندئمیدن اوولکی رقملره قاییدیر.
جووید-۱۹ اپیدئمیسیندان اول ۲۰۱۹ و ۲۰۲۴-جو ایللرین رقملرینین موقاییسهسینه گؤره، زیارتچیلرین ان یوکسک آرتیمی یاخین شرق، آوروپا و آفریقادا قئیده آلینیب.
کئچن ایل یاخین شرقه ۹۵ میلیون اینسان (۲۰۱۹-جو ایلله موقاییسهده یوزده ۳۲ آرتیش)، ۷۴ میلیون اینسان آفریقایا (یوزده ۷ آرتیش) و ۷۴۷ میلیون اینسان آوروپایا (یوزده ۱ آرتیش) سفر ائدیب.
دونیا توریزم تشکیلاتینین باش کاتیبی زوراب پولولیکاشویلی اؤز قیمتلندیرمهسینده دئییب:
"گلوبال توریزم پاندئمیدن ساغالماسینی ۲۰۲۴-جو ایلده تاماملادی. اؤتن ایلکی معلوماتلارا گؤره، ۲۰۱۹-جو ایله نیسبتن توریستلرین گلیشی و خصوصیله گلیرلر بیر چوخ یئرلرده داها یوکسک اولوب" دئدی.
پولولیکاشویلی وورغولادی کی، اونلار دونیا توریزمینده گوجلو طلبدن ایرلی گلن آرتیمین ۲۰۲۵-جی ایل عرضینده داوام ائدجیینی گؤزلییرلر.
ایلگیلیلی خبرلر

تورکیه چای ایخراجاتیندان ۱,۲ میلیون دولار گلیر الده ائدیب
تورکیهنین چای ایخراجاتی ایلین ایلک آییندا ۱,۲ میلیون دولار گلیر الده ائدیب.

تورکیه میللی ساوونما ناظیرلیگی: ۳ تئرورچو ضررسیزلشدیریلیب
عراقین شیمالیندا و سوریهده بؤلوچو تئرور تشکیلاتی پ.ک.ک-دان ۳ تئرورچو ضررسیزلشدیریلیب.