فیدان آوروپا کومسیونونون بؤحرانلارین اداره ائدیلمه‌سی اوزره مسئول عوضوو ایله گؤروشوب
حاجه لحبیب: تورکیه وطنداش موحاریبه‌سی باشلایاندان بری سوریه‌لی قاچقینلارا یاردیم ائتدی
تورکیه خاریجی ایشلر ناظیری هاکان فیدان، «مقصدیمیز سوریه‌نین یئنی دؤورده تحریم‌لردن قورتولاراق نورمال ایقتیصادیاتا صاحیب اولماسی، میلیونلارلا کؤچکون قاچقین قارداشلاریمیزین دینج و تهلوکه‌سیز ائولرینه قاییتماسیدیر». دئدی.
فیدان دونن ناظیرلیکده آوروپا ایتیفاقی کومسیونونون برابرلیک، حاضیرلیق و بؤحرانلارین اداره ائدیلمه‌سی اوزره مسئول عوضوو حاجه لحبیب ایله گؤروشوندن سونرا دئییب:
اؤزلری (لحبیب) دونن سوریه‌یه سفر ائدیبلر. خوصوصیله سوریه‌ده هومانیتار و اینکیشافلا باغلی پروبلئملرین اداره اولونماسیندا آوروپا ایتیفاقینین هانسی یاردیمی گؤستره بیلجه‌یی ایله باغلی موشاهیده‌لر آپاریبلار.
هاکان فیدان تورکیه‌نین بو مسئله‌یه باخیشینین چاتدیریلدیغینا دقت چکیب و دئییب:
«مقصدیمیز سوریه‌نین یئنی دؤورده تحریم‌لردن قورتولماسی و نورمال ایقتیصادیاتا صاحیب اولماسی، ایقتصادی موحیطین، یئنیدن ستروکتورلاشما و اینکیشافین گئتدیکجه یاخشیلاشماسی، میلیونلارلا قاچقین قارداش و باجیلاریمیزین دینج و تهلوکه‌سیز شکیلده ائولرینه قاییتماسیدیر. بو مسئله‌ده اونلارلا ایشله‌مه‌یه داوام ائدجَییک».
تورکیه‌نین وطنداش موحاریبه‌سی باشلایاندان بری سوریه‌لی قاچقینلارا ائتدییی یاردیملارا ایشاره ائدن لحبیب:
"تورکیه‌نین بو ایللر عرضینده آتدیغی آددیملار و قاچقینلارلا باغلی وئردییی دسته‌ک حیاتی اهمییت کسب ائدیب. آوروپا ایتیفاقی دا بو کونتئکستده بؤیوک دسته‌ک وئریب و دسته‌یینی داوام ائتدیریر". دئدی.
او، چیخیشیندا «تورکیه هله‌ده نامیزد اؤلکه‌دیر و آوروپا ایتیفاقینین اساس طرفداشیدیر» دئدی. لحبیب آوروپا ایتیفاقینین مولکی مودافیعه مئکانیزمی چرچیوه‌سینده گوجلو امکداشلیغا ایشاره ائده‌رک دئییب» «تورکیه بو مئکانیزمده چوخ دَیرلی و فعال طرفداشدیر».
ایلگیلی‌لی خبرلر
جمهور باشقانی اردوغان ایندونزیادا سفرده‌دیر
جمهور باشقانی رجب طیب اردوغان ایندونزیانین پایتاختی جاکارتادا سفرده‌دیر.
