تورکیه بؤیوک میلت مجلیسینین صدری غزهده آتشکسین یارادیلماسی ایله باغلی قیمتلندیرملر ائدیب
۲۰۲۳-جو ایلین اکتیابریندان بری ایسرائیلین غزه زولاغینا ائتدییی هوجوملاردا ۴۵ میندن چوخ فیلیسطینلی اؤلدورولوب

نعمان کورتولموش، تورکیه بؤیوک میلت مجلیسینین صدری دئدی: "غزهده الده ائدیلن آتشکس داواملی صولحون قورولماسی اوچون آتیلان آددیملارین باشلانغیجی اولمالیدیر".
نعمان کورتولموش سوسیال مئدیا حئسابیندان وئردییی آچیقلامادا غزهده آتشکسین یارادیلماسی ایله باغلی قیمتلندیرملر ائدیب.
کورتولموش بیلدیریب کی، فیلیسطین خالقینین عدالتلی موباریزسی و شرفلی موقاویمتی بشریت جبههسینین سسی اولماقدا داوام ائدیر.
او بیلدیریب: "غزهده الده ائدیلن آتشکس دایمی صولحون قورولماسی اوچون آتیلان آددیملارین باشلانغیجی اولمالیدیر. فیلیسطینین آزادلیغی و حوقوقلارینین تامین ائدیلمهسی تکجه بیر خالقین دئییل، همده بشریتین اورتاق دَیرلرینی قوروماق اوغروندا موباریزدیر. "
نومان کورتولموش یاخین شرقده صولح و ثابیتلییین آچارینین فیلیسطین خالقینین آزادلیغی اولدوغونا دقت چکیب و دئییب:
"بو مقصدله غزهده باش وئرن هر بیر موثبت ایرلیلَییش داواملی صولح یولوندا چوخ موهوم آددیمدیر. بیر داها احتیراملا یاد ائتدیییمیز فیلیسطین شهیدلرینین عزیز خاطیرهلری نامینه، بوتون قلبیمیزله اینانیریق کی، بیر گون مظلوملارین ظفری تجلی ائدهجک. رئگیوندا دایمی صولح و عدالتین برقرار اولماسی اوچون ۱۹۶۷-جی ایل سرحدلرینه اساسلاناراق پایتاختی قدس اولان بیر فیلیسطین دؤلتینین تانینماسی و مظلوم فیلیسطین خالقینین آزاد یاشایا بیلجهیی تام موستقیل بیر دؤلته صاحیب اولماسی اولوسلارآراسی جامعهنین تاریخی بیر مسئولییتدیر.
تورکیه اولاراق میلت و دؤلت اولاراق اورتاق مؤقع ایله فیلیسطین داواسینا دستهک وئرمهیه داوام ائدجَییک. «دوعالاریمیز فیلیسطیندکی قارداشلاریمیزلادیر، اونلارین موباریزسینین شرفلی و عدالتلی نتیجهیه چاتاجاغینا تام اینانیریق».
۲۰۲۳-جو ایلین اکتیابریندان بری ایسرائیلین غزه زولاغینا ائتدییی هوجوملاردا ۴۵ میندن چوخ فیلیسطینلی اؤلدورولوب.
ایلگیلیلی خبرلر

تورکیهنین قیزیل آلما پیلوتسوز دؤیوش طیارهسی لایحهسینین موتور سیناقلاری داوام ائدیر
قیزیل آلما رادارلاردان گیزلنمک و هاوادان هاوایا راکئتلریندن آتش آچماق قابیلییتی ایله دقت چکیر

تورکیهدن غزهیه گؤندریلن اینسانی یاردیم ۹۶ مین ۱۳۱ تونا چاتیب
تورکیهنین ۱۵-جی غزه یاخشیلیق گهمیسی میصیرین العریش لیمانینا چاتیب