میت ترور آکتینین مسئول شخصلریندن بیرینی سوریهده اله کئچیریب
تورکیهنین حاتای ویلایتینین ریحانلی بولگه سینده 2013-جو ایلده 53 نفرین هلاک اولدوغو ترور هوجومونون مسئول شخصلریندن بیری اولان محمد دیب کورعلی سوریه ده یاخالانیب.

تورکیهنین حاتای ویلایتینین ریحانلی بولگه سینده 2013-جو ایلده 53 نفرین هلاک اولدوغو ترور هوجومونون مسئول شخصلریندن بیری اولان محمد دیب کورعلی سوریه ده یاخالانیب.
میللی کشفیات تشکیلاتی (میت) ریحانلی هوجومونون تشکیلاتچیلاریندان بیری اولان محمد دیب کورعلینین پارتلاییشدا ایستیفاده اولونان بومبالارین تجهیزاتچیسی اولدوغونو معین ائدیب. همچنین، محمد دیب کورعلی حاقیندا حبس قرارینین اولدوغو و اونون ریحانلی هوجومونون پلانلاشدیریجیلاری آراسیندا یئر آلدیغی معلوم ایدی. آپاریلان کشفیات عملیاتلاری نتیجهسینده اونون یئری معین ائدیلیب و میت طرفیندن سوریهده حیاتا کئچیریلن سرحد آشیری عملیاتلا یاخالاناراق حاتای پولیس ایدارهسینه تحویل وئریلیب.
میت 2018-جی ایلده هوجومون قاچاق مسئول شخصلریندن و پلانلاشدیریجیلاریندان بیری اولان یوسف نازیکی ده سوریهده کئچیریلن عملیاتلا تورکیهیه گتیرمیشدی.
خاطیرلاداق کی، 11 می 2013-جو ایلده ریحانلیدا باش وئرن ایکی آیری بومبالی ترور هوجومو نتیجهسینده 53 نفر هلاک اولموش، چوخ سایدا سیویل شخص یارالانمیشدی.
ایلگیلیلی خبرلر

سوئد باش قرارگاه رئیسی آنکارادا
سوئد باش قرارگاه رئیسی ژنرال مایکل کلاسون رسمی دانیشیقلار آپارماق اوچون پایتاخت آنکارادا.