فیدان صاباح ریاضدا کئچیریلهجک سوریه توپلانتیسینا قاتیلاجاق
تورکیه خاریجی ایشلر ناظیری هاکان فیدان صاباح سعودی عربیستانینین پایتاختی ریاضدا سوریه ایله باغلی کئچیریلهجک توپلانتییا قاتیلاجاق.

تورکیه خاریجی ایشلر ناظیری هاکان فیدان صاباح سعودی عربیستانینین پایتاختی ریاضدا سوریه ایله باغلی کئچیریلهجک توپلانتییا قاتیلاجاق.
دیپلوماتیک منبعلردن الده ائدیلن معلوماتا گؤره، ناظیر فیدانین صاباح ریاضدا قاتیلاجاغی گؤروشمه ۱۴ دئکابر ۲۰۲۴-جو ایلده اوردونون عقبه شهرینده کئچیریلن عینی مؤوضوعلو گؤروشون داوامیدیر.
ایجلاسدا تورکیه و سوریهنین خاریجی ایشلر ناظیرلری ایله یاناشی، کؤرفز امکداشلیق شوراسینین (کش) عضولری (سعودی عربیستانی، بیرلشمیش عرب امیرلیکلری، قطر، کویت، بحرین و عمان)، عراق، لوبنان، اوردون، میصر، بؤیوک بریتانیا و آلمانیانین خاریجی ایشلر ناظیرلری سوییهسینده آمریکا و ایتالیانین ایشتیراکی گؤزلنیلیر.
بوندان علاوه، آوروپا بیرلیگی-نین خاریجی ایشلر و تهلوکهسیزلیک سیاستی اوزره عالی نمایندهسینین، عرب لیگینین باش کاتیبینین، کؤرفز امکداشلیق تشکیلاتینین باش کاتیبینین و بیرلشمیش میللتلر باش کاتیبینین سوریه اوزره خصوصی نمایندهسینین ایجلاسدا ایشتیراکی گؤزلنیلیر.
ایجلاسین اساس گوندمی سوریهده ثابتلیک و تهلوکسیزلیگین تامین ائدیلمهسی اوچون آتیلاجاق آددیملار اولاجاق.
ناظیر فیدانین سوریهده یئنی حوکومت ایله اؤلکهنین ثابیتلیگینه گئدن یولدا نیشانلانما و تشویق اساسیندا علاقهلرین اینکیشاف ائتدیریلمهسینین واجیبلیگینی وورغولاماسی گؤزلنیلیر.
بیلدیریلیر کی، سوریهنین اراضی بوتؤولویو و بیرلیگی پرینسیپینین وورغولانماسی گؤزلهنیلن گؤروشمهده فیدان، سوریهدکی مؤوجود وضعیتدن ایستیفاده ائتمهیه تلاش ائدهبیلهجک بؤلوچو تئررور تشکیلاتی پ.ک.ک/ی.پ.گ-یه قارشی بوتون لازیمی تدبیرلرین گؤرولهجگینی تکرارلایاجاق.
هاکان فیدانین سوریهنین یئنیدن قورولماسی ایستیقامتینده سرعتی ایتیرمهدن سیستئملی و آردیجیل آددیملار آتماغین واجیبلیگینه ایشاره ائتمهسی گؤزلهنیلن ایجلاسدا اونون سوریهیه قارشی سون واختلار تطبیق ائدیلن تحریملره تطبیق ائدیلن استثناءلارین احاطهسینین گئنیشلندیریلمهسینی تشویق ائدجگی نظرده توتولور.