یوماکلی:"ایران ایله تیجارت حجمی 30 میلیارد دولارا چاتمالیدیر"
تورکیه و ایران آراسیندا تیجارت حجمینی 30 میلیارد دولارا چاتدیرماق اوچون امکداشلیق ساحهلرینین گئنیشلندیریلمهسی گوندمدهدیر.
تورکیهنین اکینچیلیک و اورمان ناظیری ابراهیم یوماکلی، ایران ایله امکداشلیق ساحهلرینی شاخهلندیرهرک اینکیشاف ائتدیرمهیه داوام ائدهجکلرینی بیلدیریب.
یوماکلی، پایتاخت آنکارادا کئچیریلن تورکیه-ایران اکینچیلیک ساحهسینده امکداشلیق توپلانتیسیندا چیخیش ائدیب.
او قئید ائدیب کی، تورکیه اولاراق، ایران ایله ایکی طرفلی تیجارت حجمینین 30 میلیارد دولارلیق هدفه چاتماسی اوچون امکداشلیغی شاخهلندیرمکله داوام ائتدیرهجکلر. ایرانین تورکیهنین آسیایا، تورکیهنین ایسه ایرانین آوروپایا آچیلان قاپیسی اولدوغونو وورغولایان یوماکلی، "تحریم لر سببیله قونشوموز ایران ایله اقتصادی و تیجارت علاقهلریمیزی سونلاندیرمادیق، بوندان سونرا دا سونلاندیرمایاجاغیق"، – دئیه علاوه ائدیب.
مؤوجود شرایطده تحریم لرین خصوصیله بانکچیلیق سیستمی سببیله ایران ایله ایش علاقهلرینده پروبلئملره یول آچدیغینی بیلدیرن ناظیر یوماکلی، "بو و بنزر پروبلئملرین قیسا زاماندا حل اولوناجاغینی اومید ائدیریک"، – دئیه بیلدیریب.
ایلگیلیلی خبرلر
ایستانبول فینانس مرکزی یئنی موقاویلهلرله داها دا بؤیویور
فینانس سئکتورونون قلبی اولان "ایستانبول فینانس مرکزی" یئنی امکداشلیقلارلا داها دا بؤیویور.
