اورال اوغلو تورکیه‌نین ایلک 5-جی نسیل اویدوسونون فعالیتینه دایر دگرلندیرمه‌لر آپاریب

نقلیات و آلت یاپی ناظیری عبدالقادر اورال اوغلو تورکیه‌نین 2021-جی ایلده Türksat 5A اویدوسو Ku باندیندان   ایستیفاده ائدن ایلک اؤلکه‌لردن بیری اولدوغونو بیلدیریب. او، تورکیه‌نین ایلک 5-جی نسیل اویدوسو"Türksat 5A "نین فعالیتده اولدوغو 4-جو ایله دایر دگرلندیرمه‌لر آپاریب.

"Türksat 5A"نین 2021-جی ایلدن اعتباراً خبرلشمه اویدوسو (ماهواره ارتباطی) اولا‌راق دونیا اوربیتینده (مدار زمین) فعالیت گؤستردیگینی خاطیرلا‌دان اورال اوغلو "تورکیه 2021-جی ایلده "Türksat 5A"  ایله Ku  باندیندان ایستیفاده ائتمه‌یه باشلایان ایلک اؤلکه‌لردن بیری اولدو" دئیه وورغولاییب. ناظیر تلویزیون یاییمیندا کیفیتین اویدو اوزرینده ایستیفاده ائدیلن باند گئنیش‌لیگی ایله بیرباشا علاقه‌لی اولدوغونو بیل‌دیره‌رک "مثلا، مؤوجود یاییم تکنولوژی لردن ایستیفاده ائدیلدیکده 8K  دقیق‌لیکده تلویزیون کانا‌لی اوچون تخمینا 36 مگاهرتز باند گئنیش‌لیگی طلب اولونور. "Türksat 5A"نین تامین ائتدیگی یوکسک اویدو ظرفیتی سایه‌سینده یوکسک دقیق‌لیکده یاییم‌لاردا آرتیم موشاهیده اولونور و طرفیندن تقدیم ائدیلن یاییم خیدمت‌لرینده کیفیتی آرتیرا‌راق سویه آتلادیق" دئیه علاوه ائدیب.

تورکیه‌نین "Türksat 5A"نین ایستیفاده‌یه وئریلمه‌سی ایله بیرلیکده آوروپا، اورتا دوغو، شیمال، جنوب و اورتا باتی  افریقا، آغ دنیزی، اگه دنیزی و قارا دنیز کیمی گئنیش بیر جوغرافیادا تلویزیون یاییمی و معلومات خبرلشمه‌سی خیدمت‌لری تقدیم ائتمه‌یه باشلادیغینی بیلدیرن اورال اوغلو دگرلندیرمه‌سینی بئله داوام ائتدیریب: "Türksat 5A" اورتا دوغو و شیما‌لی افریقا بولگه سینده تلویزیون یاییمی ساحه‌سینده بیر چوخ قوروما خیدمت گؤستریر. خصوصیله "تورکسات"ین یاییم خیدمت‌لرینده کیفیتی آرتیردیق. اویدوموز هم خاریجی بازارلاردا افکتیو حل‌لر تقدیم ائدیر، هم ده اولوسلار آراسی دنیزچی‌لیک فعالیت‌لرینده گئنیش شکیلده ایستیفاده اولونور. سعودی عربیستانی مرکزلی "عرب سات"  اویدو اپراتورو باشدا اولماقلا بیر چوخ شیرکتین "Türksat 5A"دان خیدمت آلماسی سببیله اهمیت‌لی صادرات گلیری ده الده ائدیلدی."

عبدالقادر اورال اوغلو "Türksat 5A"نین ایستیفاده ائتدیگی الکتریک‌لی ایتکی سیستمی ایله اویدو عؤمرونون 35 ایلین اوزرینه چیخدیغینی وورغولایا‌راق "بو سایه‌ده اویدو 31 درجه

شرق اوربیتین‌دکی تورکییه‌نین تئزلیک و اوربیت حقوق‌لارینی 2056-جی ایله قدر تأمینات آلتینا آلمیش اولدو" دئیه علاوه ائدیب.