تورکیهنین زئیتون یاغی ایخراجاتیندا آرتیش
تورک زئیتون یاغی ایخراجاتچیلاری ۱ نویابر ۲۰۲۴-جو ایلده باشلایان ایخراج مؤوسومونه سرعتلی بیر شکیلده باشلادیلار.




تورک زئیتون یاغی ایخراجاتچیلاری ۱ نویابر ۲۰۲۴-جو ایلده باشلایان ایخراج مؤوسومونه سرعتلی بیر شکیلده باشلادیلار.
خصوصیله، رقابتچی اؤلکهلرده محصول ایتکیسی و تورکیهده محصول بوللوغو ایخراجاتچیلارا اوستونلوک یارادیب.
مؤوسومون ایلک ایکی آییندا ۱۰۱ فایز آرتاراق ۱۶ مین ۸۶ تونا یوکسهلن زئیتون یاغی ایخراجیندان ۸۶ میلیون ۴۰۵ مین دولار گیریشی تامین ائدیلیب.
ایخراجین تخمیناً یاریسی آمریکایا ائدیلیب.
تورکیهنین ان چوخ زئیتون یاغی ساتدیغی آمریکایا ایخراج ۲۰۲۳-جو ایلین عینی دؤورو ایله موقاییسهده ۵ قات آرتاراق ۷۵۲۰ تونا چاتیب.
بو اؤلکهیه ایخراجدان الده ائدیلن گلیر ۲۶۰ فایز آرتاراق ۳۹ میلیون ۱۰۶ مین دولارا چاتیب.
زئیتون یاغیندا اساس رقیب اولان ایتالیایا ایخراج یوزده ۴۴۲ آرتاراق ۱۸۱۱ تونا، دگری ایسه یوزده ۳۱۸ آرتاراق ۸ میلیون ۱۳ مین دولارا چاتیب.
ایسپانیایا ۵ میلیون ۶۸۶ مین دولار دگرینده ۱۲۲۴ تون زئیتون یاغی ساتیلیب.
سعودی عربیستانینا یوزده ۱۵۷ آرتاراق ۹۳۰ تونا، دگری ایسه یوزده ۵۷ آرتاراق ۴ میلیون ۵۹۷ مین دولارا چاتان زئیتون یاغی ایخراجی اوچون موقاویله ایمضالانیب.