ساری‌قامیش حماسه‌سی، تۆرک میلتینین دَیرلرینی قوروماق اۆچۆن نه‌لره قادیر اولدوغونون گؤستریجیسیدیر

شهیدلریمیزین فداکارلیغیندان، بنزرسیز وطن سئوگیسین‌دن ایلهام آلان شانلی تۆرک اوردوسو تۆرکیه‌یه قارشی تهدید و تهلۆکه‌لری آرادان قالدیرماق اۆچۆن وار گۆجۆ ایله مۆباریزسینی داوام ائتدیریر

2227125
ساری‌قامیش حماسه‌سی، تۆرک میلتینین دَیرلرینی قوروماق اۆچۆن نه‌لره قادیر اولدوغونون گؤستریجیسیدیر

میللی مۆدافیعه ناظیری یاشار گۆلر ​​تورکیه‌نین قارص ساری‌قامیشدا نۆماییش ائتدیریلن مۆباریزه روحونون؛ تۆرک میلتینین اؤز میللی-معنوی دَیرلرینی قوروماق اۆچۆن نه‌لره قادیر اولدوغونون ان باریز گؤستریجیسی اولدوغونو بیلدیریب.

یاشار گۆلر ​​ساری‌قامیش عملیاتینین ۱۱۰۷-جی ایلدؤنۆمۆ ایله باغلی درج ائتدییی مئساژدا تاریخده و اجتماعی حافظه‌ده درین ایزلر بوراخان، عینی درجه‌ده حۆزنلۆ حماسه‌یه سبب اولان عملیاتدا شهید اولانلاری رحمت، منت و شوکران ایله یاد ائدیب.

میللی مۆدافیعه ناظیری، ​​میللی-معنوی دَیرلری اوغروندا جانلارینی فدا ائدن، قانلارینی تؤکن شهید و غازی‌لرین یۆکسک قهرمانلیق و فداکارلیقلارینی، میللت‌‌ین هر زامان صداقت حیسلری ایله خاطیرلایاجاغینی، خاطیره‌لرینی دایم یاشاداجاغینی بیلدیریب و علاوه ائدیب:

«چتین قیش شرطلرینه و هر جۆر چتینلییه باخمایاراق ساری‌قامیشدا نۆماییش ائتدیریلن مۆباریزه روحو تۆرک میلتینین میللی-معنوی دَیرلرینی قوروماق اۆچۆن قلبینده‌کی ایمان آتشی ایله نه‌لری ریسکه آتاجاغینین ان باریز گؤستریجیسیدیر». 

گۆلر ​​وورغولادی کی، عزیز شهیدلریمیزین فداکارلیغیندان، بنزرسیز وطن سئوگیسین‌دن ایلهام آلان شانلی تۆرک اوردوسو تۆرکیه‌یه قارشی تهدید و تهلۆکه‌لری آرادان قالدیرماق، سویلو میلتین حۆقوق و منافعلرینی قوروماق اۆچۆن وار گۆجۆ ایله مۆباریزسینی داوام ائتدیریر.



ایلگیلی‌لی خبرلر