اردوغان «تئررودان آزاد تورکیه» هدفینه دوغرو آددیملار آتدیقلارینی بیلدیریب
عدالت و اینکیشاف پارتیسینین صدری اولان پرئزیدئنت اردوغان پارتیسینین ریزهده کئچیریلن ایل قورولتاییندا چیخیش ائدیب

پرئزیدئنت رجب طیب اردوغان «تئررودان آزاد تورکیه» هدفینه دوغرو آددیملار آتدیقلارینی بیلدیریب.
عدالت و اینکیشاف پارتیسینین صدری اولان پرئزیدئنت اردوغان پارتیسینین ریزهده کئچیریلن ایل قورولتاییندا چیخیش ائدیب.
دسامبرین ۸-ده سوریهده بعث رئژیمینین دئوریلمهسینه توخونان اردوغان بونلاری دئییب:
"گونئییمیزدهکی تاریخی اینکیشافلاری فایدالی نتیجهلره چئویرمه چابالاریمیزلا، تئرروردان آزاد تورکیه هدفینه دوغرو آتدیغیمیز آددیملارلا، ایقتصادی پروبلئملره قالیجی حلر گتیرهجک پروقرامیمیزلا، اؤلکهمیزی گلجهیین قاریشیق دونیاسینا حاضیرلاماق اوچون هر ساحهده آتدیغیمیز تئکنولوژیک و دیپلوماتیک آددیملاریمیزلا، پروسهسی آغریلی اولسا بئله، نتیجهسی اؤلکهنین و میلتین خیرینه اولاجاق سیاستیمیز ایله تشکور بورجوموز اولان ۸۵ میلیون اینسانین هر بیر فردی اوچون گئجه گوندوز چالیشیریق."
پرئزیدئنت اردوغان سامسوندان باشلایاراق اوردو، گیرسون، ترابزون، ریزه و آرتوین شهرلرینی سامسون-ترابزون-سارپ اکسپرس قاطار خطی ایله بیرلشدیردیکلرینی سؤیلهدی.
اردوغان بیلدیریب کی، بو اکسپرس قاطار خطی پایتخت آنکارا ایله قارا دنیز بؤلگهسی و قارا دنیزله همسرحد اولان گورجوستان آراسیندا دمیر یولو نقلیاتینی تامین ائدهجک.
ایلگیلیلی خبرلر

عراقین شیمالینداکی آسوس بؤلگهسینه ۶ تئررورچو هلاک اولدو
میللی مودافیعه ناظیرلییی طرفیندن ائدیلن شرحده، تئرورو قایناغیندا محو ائتمه قرارلیلیغی وورغولاندی