"بؤلوجو قاتیللر یا سیلاحلارینی گویلایاجاق، یا دا سیلاحلاری ایله بیرلیکده تورپاغا گویلاناجاقلار"
عدالت و اینکیشاف پارتیسینین دا صدری اولان پرئزیدئنت اردوغان سامسوندا پارتیسینین ۸-جی عادی ایالت قورولتاییندا چیخیش ائدیب

پرئزیدئنت رجب طیب اردوغان بولوجو تئررور تشکیلاتی پکک-نین ۳-جو یولونون اولمادیغینی ایفاده ائدهرک، "بؤلوجو قاتیللر ان قیسا زاماندا یا سیلاحلارینی گویلایاجاق، یا دا سیلاحلاری ایله بیرلیکده تورپاغا گویلاناجاقلار" دئدی.
عدالت و اینکیشاف پارتیسینین دا صدری اولان پرئزیدئنت اردوغان سامسوندا پارتیسینین ۸-جی عادی ایالت قورولتاییندا چیخیش ائدیب.
ایمپئریالیستلرین ۴۰ ایل اول میلتین باشینا گتیردییی تئررور بلاسیندان ان قیسا زاماندا تورکیهنی خیلاص ائدهجکلرینی وورغولایان اردوغان، بو مؤوضوعدا قطعیتلی، عزیملی و هدفه کؤکلندیکلرینی بیلدیریب.
تئررور تشکیلاتی و تئررورچولار اوچون چئورهنین گئتدیکجه دارالدیغینی بیلدیرن اردوغان بئله دئییب:
"تورک، کورد، عرب فرقی یوخ، هئچ کیمین ایمپئریالیستلرین بؤلگه پلانلارینا ماشا اولان تئررورچولارا داها دؤزومو قالمامیشدی. بؤلوجو جینایتکارلار یا ان قیسا زاماندا یا سیلاحلارینی گویلایاجاق، یا دا سیلاحلاری ایله بیرلیکده تورپاغا گویلاناجاقلار. بونون اوچونجو یولو یوخدور».
سیلاح، خشونت و تئررور دؤورونون بیتدییینی هر کهسین قبول ائتمهلی اولدوغونو وورغولایان پرئزیدئنت دئییب:
"بؤلوجو تئررور تشکیلاتی عمرونو باشا ووردو. هئچ بیر سونی تنفوس بؤلوجو تشکیلاتی حیاتا قایتارا بیلمهیجک. بیر داها قید ائتمک ایستَییرم کی، نه اؤلکهمیزین، نهده بؤلگهمیزین گلجهیینده تئررورا یئر یوخدور".
ایلگیلیلی خبرلر

"۶ فئورال زلزلهسینیده، ایتیردیگیمیز ۵۳ مین ۵۳۷ باجی و قارداشیمیزا اللهدان رحمت دیلهییرم
پرئزیدئنت اردوغان، قهرمان مرعش زلزلهسینین ۲-جی ایل دونومونده سوسیال مئدیا حئسابیندان مئساژ پایلاشدی