یاشار گولر:" ترور تشکیلاتی گئری چکیلمک مجبوریتینده قالیب"
بو بارهده یاشار گولر تورکیه بؤیوک میللت مجلیسینده ائتدیگی چیخیشیندا معلومات وئریب.
تورکیهنین میللی ساوونما ناظیری یاشار گولر بیلدیریب کی، سوریه میللی اوردوسونون البابین جنوبونداکی تل رفعت و منبج خطینده حیاتا کئچیردیگی عملیاتلار نتیجهسینده ترور تشکیلاتی بو بؤلگهلردن گئری چکیلمک مجبوریتینده قالیب.
بو بارهده یاشار گولر تورکیه بؤیوک میللت مجلیسینده ائتدیگی چیخیشیندا معلومات وئریب. او، گلهجک دؤورده سوریهده احاتهلی سیاسی حل یولو ایله تهلوکهسیزلیک و ثابیتلیگین برقرار اولاجاغینا اورکدن ایناندیغینی بیلدیریب. عینی زاماندا، تهلوکهسیزلیک و ثابیتلیگین قورونماسی اوچون عملیات بؤلگهلرینده لازیمی تدبیرلرین گؤرولدوگونو وورغولاییب.
سوریه میللی اوردوسونون البابین جنوبوندا یئرلشن تل رفعت و منبج خطینده حیاتا کئچیردیگی عملیاتلار نتیجهسینده ترور تشکیلاتینین بو بؤلگهلردن گئری چکیلمک مجبوریتینده قالدیغینی ایفاده ائدن یاشار گولر پ.کا.کا/ی.پ.گ ترور تشکیلاتینین بؤلگهدهکی غیری-ثابتلیکدن فایدالانماسینا هئچ واخت ایمکان وئرمهیهجکلرینی وورغولاییب.
تورکیهنین میللی ساوونما ناظیری سوریهده سیاسی کئچیدین تهلوکهسیز و پروبلئمسیز اولماسینی تامین ائتمک، مؤوجود پروبلئملری حل ائتمک اوچون سعی گؤسترمهیه داوام ائدهجکلرینی بیلدیریب.
ایلگیلیلی خبرلر
تورکیهنین تئررورلا موباریزهسی قطعیتله داوام ائدیر
شیمالی عراقین گارا بؤلگهسینده 2 پ.ک.ک تئررورچوسو ضررسیزلشدیریلیب.
