تورکیه دمشقدهکی سفیرلیگینه موقتی ایشلر وکیلی تعیین ائدیب
تورکیه خاریجی ایشلر ناظیرلیگی شام سفیرلیگینه یئنی موقتی ایشلر وکیلی تعیین اولوندوغونو آچیقلاییب. بورهان کؤراوغلو بو وظیفهیه گتیریلیب.
تورکیه خاریجی ایشلر ناظیرلیگی، تورکیهنین نواکشوت سفیری بورهان کؤراوغلونون شام سفیرلیگینه موقتی ایشلر وکیلی اولاراق تعیین ائدیلدیگینی آچیقلاییب. خاریجی ایشلر ناظیری هاکان فیدان، کؤراوغلونا یئنی وظیفهسینی تقدیم ائدیب.
خاطیرلاداق کی، سوریهنین پایتاختی دمشقده دیپلوماتیک نومایندهلیکلرین جملشدیگی راودا میدا یاخینلیغیندا یئرلشن تورکیه سفیرلیگی، رژیمین دینج نوماییشچیلره قارشی زوراکیلیغا ال آتدیغی دؤورده معین مدت فعالیتینی داوام ائتدیرمیشدی. لاکین 26 مارس 2012-جی ایل تاریخینده سفیرلیک گوندهلیک فعالیتینی دایاندیرمیشدی.
بو قرارلا سفیرلیک امکداشلاری و اونلارین عائلهلری تورکیهیه گئری دؤنموشدو. عینی زاماندا، سوریهنین ایستانبول باش کونسوللوغو ایسه فعالیتینی داوام ائتدیرمیشدی.
ایلگیلیلی خبرلر
ایستانبول فینانس مرکزی یئنی موقاویلهلرله داها دا بؤیویور
فینانس سئکتورونون قلبی اولان "ایستانبول فینانس مرکزی" یئنی امکداشلیقلارلا داها دا بؤیویور.
