کورتولموش: "سوریهنین گهلهجگی اوچون بوتون قروپلار بیرلیکده حرکت ائتمهلیدیر"
تورکیه بؤیوک میللت مجلیسینین صدری نومان کورتولموش، سوریه رژیمینین 61 ایللیک دیکتاتورلوغونون خالقین ایرادهسی ایله سونا چاتدیغینی وورغولایاراق، سوریهنین بیرلیگینین قورونماسینین واجیبلیگینی قئید ائدیب.
نومان کورتولموش جیهان نما درنگی طرفیندن تشکیل ائدیلن ایستانبول فوروموندا چیخیش ائدیب
تورکیه بؤیوک میللت مجلیسینین صدری نومان کورتولموش سوریهده اؤز سولالهسیندن کناردا اولان هر کسی اؤزگهلشدیرن رژیمین خالقین ایرادهسی ایله سونا چاتدیغینی بیلدیریب. او، جیهان نما درنگی طرفیندن تشکیل ائدیلن ایستانبول فوروموندا چیخیش ائدیب.
سوریهده 61 ایللیک دیکتاتورلوقدان سونرا بعث رژیمینین سونا چاتدیغینی وورغولایان کورتولموش "خالقینین دئمک اولار کی هامیسینی یادلاشدیران، اؤزوندن و اؤز عائلهسینین اطرافینداکیلاردان کناردا اولان هر کسی اؤزگهلشدیرهرک بیر-بیرینه دوشمن ائدن بیر رژیم 61 ایل سونرا خالقین ایرادهسی ایله سونا چاتمیش اولدو"، – دئیه قئید ائدیب. تورکیه بؤیوک میللت مجلیسینین صدری علاوه ائدیب: "بیزیم بوندان سونرا وئرجییمیز ان بؤیوک دستک ایسه آرتیق بؤلونموش و پارچالانمیش سوریه خالقینین هئچ بیر پارچاسینی اؤزگلشدیرمهمک اولاجاق. اونلارین هامیسینی بؤیوک بیر احاته دایرهسی ایله گوجلو بیر دؤولت میسیونو و گئنیش سیاسی پرسپکتیوله بیر آرادا ساخلاماق، اونلارین اورتاق گلهجهیه یؤنلمهسینه دستک اولماق اوچون موباریزه آپارماقدیر."
ایلگیلیلی خبرلر
لیبی باش قرارگاه رئیسی آنکارادا
لیبی باش قرارگاه رئیسی ژنرال محمد علی احمد الحداد رسمی دانیشیقلار آپارماق اوچون آنکارادادیر.
