جمهور باشقانی اردوغان تاماس سیلوک و ویکتور اوربان ایله گؤروشدو
جمهور باشقانی رجب طیب اردوغان تورکیهیه سفر ائدن ماجاریستان پرزیدنتی تاماس سیلوک و ماجاریستانین باش ناظیری ویکتور اوربان ایله گؤروشوب.
جمهور باشقانی رجب طیب اردوغان تورکیهیه سفر ائدن ماجاریستان پرزیدنتی تاماس سیلوک و ماجاریستانین باش ناظیری ویکتور اوربان ایله گؤروشوب.
معلوماتا گؤره، جمهور باشقانی رجب طیب اردوغان ماجاریستان پرزیدنتی تاماس سیلوکی رسمی مراسیمله قارشیلاییب. لیدئرلر آراسیندا باش توتان گؤروش مطبوعاتا قاپالی کئچیریلیب.
جمهور باشقانلیغی ارتباطات ایدارهسیندن وئریلن معلوماتا گؤره، گؤروشده تورکیه ایله ماجاریستان آراسیندا ایکی طرفلی علاقهلر، بولگهسل و گلوبال مسئلهلر موذاکیره ائدیلیب. پرزیدنت اردوغان گؤروشده تورکیه ایله ماجاریستانین امکداشلیغینی آرتیرماق و ایکی اؤلکه آراسیندا سیاسی، اقتصادی و مدنی بیرلیگی گوجلندیرمک اوچون چالیشدیقلارینی قئید ائدیب.
پرزیدنت اردوغان تورکیهنین آوروپا بیرلیگینه عضولوک پروسهسینین جانلانماسیندا ماجاریستانین تورکیه ایله هم رایلیگینین اهمیتینی وورغولاییب. رجب طیب اردوغان همچنین تورکیهنین سوریه خالقینین اؤلکهلرینی یئنیدن قورماق اوچون باشلایاجاغی یئنی پروسهسی دستکلمهیه داوام ائدجگینی بیلدیریب.
گؤروشده، خاریجی ایشلر ناظیری هاکان فیدان، مدنیت و توریزم ناظیری محمت نوری ارسوی و جمهور باشقانلیغی ارتباطات ایدارهسینین رهبری فخرالدین آلتون دا ایشتیراک ائدیبلر.
