جمهور باشقانی اردوغان، عبدالفتاح البرهان آراسیندا تلفون دانیشیغی اولوب
جمهور باشقانی رجب طیب اردوغان سوداندا باریش و ثابیتلیگین تامین اولونماسینین تورکیه اوچون اساس پرینسیپ اولدوغونو وورغولاییب.
جمهور باشقانی رجب طیب اردوغان سودان سووئرئنلیک شوراسینین صدری عبدالفتاح البرهان ایله تلفون دانیشیغی آپاریب.
گؤروشده تورکیه ایله سودان آراسینداکی علاقهلر، بولگهسل و گلوبال مسئلهلر موذاکیره اولونوب.
جمهور باشقانی اردوغان دانیشیق زامانی تورکیهنین سومالی ایله اتیوپی آراسینداکی موناقیشهنین حلی اوچون رسمی آنکارا پروسهسینی باشلادیغینی و الده ائدیلن راضیلاشمانین بولگهده باریشین برقرار اولماسی اوچون مهم تحفه وئردیگینی بیلدیریب.
اردوغان همچنین، سودان ایله بیرلشمیش عرب امیرلیکلری آراسینداکی آنلاشیلمازلیقلارین حلی اوچون تورکیهنین آرابولوجولوق ائده بیلهجگینی، سوداندا باریش و ثابیتلیگین تامین اولونماسینین، اراضی بوتؤولوگو و سووئرئنلیگین قورونماسینین اؤلکهنین خاریجی موداخیلهلره میدان آچماماسینین تورکیه اوچون اساس پرینسیپ اولدوغونو وورغولاییب.
جمهور باشقانی اردوغان علاوه ائدیب کی، سوریهنین خالقی 13 ایللیک اینسانی بحراندان سونرا اؤز گهلهجگینه قرار وئرمک مرحلهسینه چاتیب. تورکیه بو پروسهده دستک گؤسترهجک، سوریهنین سیاسی بیرلیگینین و اراضی بوتؤولوگونون قورونماسینی مدافعه ائدهجک. موقتی حکومتین احاتهلی و دوزگون آددیملار آتماسی، سوریه خالقینا خیدمت ائتمهسی و قونشولارینا تهلوکه یاراتماماسی اوچون بو دستک داوام ائتدیریلهجک.
ایلگیلیلی خبرلر
لیبی باش قرارگاه رئیسی آنکارادا
لیبی باش قرارگاه رئیسی ژنرال محمد علی احمد الحداد رسمی دانیشیقلار آپارماق اوچون آنکارادادیر.
