تورکیه: سوریهده ترور قروپلارینا ایجازه وئریلمهیهجک
تورکیه میللی ساوونما ناظیرلیگی ترورچو قروپلاشمالارین سوریهیه بوراخیلمایاجاغینی بیان ائدیب.
تورکیه میللی ساوونما ناظیرلیگی ترورچو قروپلاشمالارین سوریهیه بوراخیلمایاجاغینی بیان ائدیب.
ناظیرلیگین هفتهلیک مطبوعات بریفینگینده سوریهدکی حادثهلرله باغلی آچیقلاما وئریلیب.
آچیقلامادا بؤلگهدکی بوتون قانونی آکتورلارین دیقتلی و مسئولیتلی حرکت ائتمهلری لازیم اولدوغو بیلدیریلیب و علاوه ائدیلیب: «بیر داها وورغولاییریق کی، ترورچو عنصورلارین بؤلگهدهکی غیری-معینلیکدن ایستیفاده ائدرک سوریهنین حاکمیتی و اراضی بوتؤولویونو هدف آلماسینا ایجازه وئرمیهجگیک. بیزیم مؤوقعییمیز آیدیندیر و ترور تشکیلاتلارینا قارشی موباریزهده قطعیتیمیز تامدیر.»
ایسرائیلین سوریه اراضیسینی ایشغالی ایله باغلی قیمتلندیرمهلرین ده یئر آلدیغی آچیقلامادا دئییلیر: "ایسرائیل ایندی ۱۹۷۴-جو ایلده ایمضالانان قوهلر آیریلیغی موقاویلهسینی پوزاراق، ایسرائیل و سوریه آراسینداکی تامپون بؤلگهسینه گیریر و سوریه اراضیسینی ایشغال ائدیر. سوریهده باریش و اینامین یاراندیغینی، "ثابتلیگی پوزان، گرگینلیگی آرتیران، سیویل اهالی آراسیندا تشویش یارادان و ترورچو قروپلارین خئیرینه اولاجاق بو ایشغالی شیدتله قیناییریق."
آچیقلامادا سوریهده ثابیتلیین برقرار اولماسینا مانع اولاجاق سالدیریلارین ایسرائیل باشدا اولماقلا، بؤلگه اؤلکهلرینین و بین الخالق ایجتیماعیتین ماراقلارینا اویغون اولمادیغی دا وورغولانیب.
