آلتون: " سوریهنین ثابتلیگی و تهلوکهسیزلیگی تورکیهنین ان مهم اولویتیدیر"
فخرالدین آلتون جمهور باشقانلیغی ارتباطات ایدارهسینین تشکیل ائتدیگی "ایلهتیشیم بحرانی سمیناری"نین آچیلیشیندا چیخیش ائدیب.
سوریهنین ثابتلیگی و تهلوکهسیزلیگی تورکیهنین اولویت مسئلهسی اولماغا داوام ائدهجک.
بونو فخرالدین آلتون جمهور باشقانلیغی ارتباطات ایدارهسینین تشکیل ائتدیگی "ایلهتیشیم بحرانی سمیناری"نین آچیلیشیندا ائتدیگی چیخیشدا دئییب.
سوریهدهکی پروسه لره توخونان فخرالدین آلتون 13 ایلین سونوندا اؤلکهنی 60 ایلدن چوخ ظلم و قددارلیقلا ایداره ائدن بعث حکومتینین دئوریلدیگینی و دسامبرین 8-دن اعتباراً سوریهده یئنی صحیفهنین آچیلدیغینی بیلدیریب.
تورکیهنین 13 ایللیک مدتده سوریه بحرانیندان تأثیرلنن آپاریجی آکتورلاردان بیری اولدوغونو بیلدیرن آلتون بو پروسهده تورکیهنین میللی تهلوکهسیزلیگی، سیاستی، اقتصادیاتی و سوسیال باریشی جدی ریسک و تهدیدلرله اوزلشدیگینی، لاکین بونا باخمایاراق سوریه بحرانینا حل آختاریشیندان هئچ واخت واز کئچمدیگینی، ترور تشکیلات لاری ایله تک باشینا موباریزه آپاردیغینی دئییب.
تورکیهنین سوریهنین بیرلیگینی و اراضی بوتؤولوگونو دستکلهیهجگینی وورغولایان فخرالدین آلتون چیخیشیندا بونلاری دئییب:
"سوریهده هر زامان حلین، باریشین و عدالتین طرفینده اولدوغوموز کیمی، باریش، آزادلیق و عدالته اساسلانان سیاستیمیزی داوام ائتدیرجییک. بوندان سونرا دا تورکیه اولاراق سوریهنین ثابتلیگی، تهلوکهسیزلیگی و سوریه خالقینین آزاد ایرادهسینین تظاهرو بیزیم ان بؤیوک اولویتیمیزدیر."
تورکیهنین مظلوملار اوچون اعتبارلی سیغیناجاق اولدوغونو وورغولایان فخرالدین آلتون حکومتین سوریهلی قاچقینلارین وطنلرینه شرفلی، تهلوکهسیز، کؤنوللو و نیظاملی شکیلده قاییتمالاری اوچون لازیمی آددیملاری آتاجاغینی قئید ائدیب.
ایلگیلیلی خبرلر
ابراهیم کالین ایله "حماس" رسمی لری آراسیندا تلفون دانیشیغی اولوب
ابراهیم کالین ایله "حماس" سیاسی بوروسونون صلاحیتلیلری آراسیندا تلفون دانیشیغی اولوب.
