تورکیهدکی سوریهلیلر اؤلکهلرینه قاییدیرلار
اؤلکهلریندکی وطنداش ساواشی زامانی تورکیهیه سیغینان سوریهلیلر ۶۱ ایللیک بعث رئژیمینین دئوریلمهسیندن سونرا اؤلکهلرینه قاییتماق اوچون ختایداکی جیلوهگؤزو سرحد قاپیسینا سیخیشیبلار
اؤلکهلریندکی وطنداش ساواشی زامانی تورکیهیه سیغینان سوریهلیلر ۶۱ ایللیک بعث رئژیمینین دئوریلمهسیندن سونرا اؤلکهلرینه قاییتماق اوچون ختایداکی جیلوهگؤزو سرحد قاپیسینا سیخیشیبلار.
سوریهلیلر سحر تئزدن ریحانلی شهرستانیندا سرحد قاپیسیندا نؤبهیه دوزولهرک گؤمروک پروسهدورلارینی گؤزلهییرلر.
آدم محمد زین مملکتی دمشق-ه گئتمک اوچون یولا دوشدوکلرینی بیلدیریب.
اوزون ایللردن سونرا اؤلکهلرینین آزاد اولونماسیندان سئوینچلی اولدوقلارینی بیلدیرن زین، "یولوموز آچیلدی، اسد گئتدی، ساواش بیتدی. ۱۰ ایل ایستانبولدا ایدیم. الله تورکلردن راضی اولسون، بیزه چوخ کؤمک ائتدیلر" دئدی.
علی هاسیکو ۱۲ ایلدیر کی، دوغما شهری حماه-ا قاییتماغی گؤزلدیکلرینی بیلدیریب.
تورکیهیه تشکورونو بیلدیرن هاسیکو، «قاپیلارینی اوزوموزه آچدیغی اوچون تورکیهیه تشکور ائدیرم» دئدی.
ابراهیم الموتا ۶ نفرلیک عائلهسی ایله حماه-ا گئتمهیی گؤزلدیکلرینی بیلدیریب.
تخمینا ۱۱ ایلدیر تورکیهده اولدوقلارینی بیلدیرن الموتا "اللها شوکور ساواش بیتدی. تورکیه چوخ گؤزلدیر، آما بیزیم وطنیمیز سوریهدیر" دئدی.
ایلگیلیلی خبرلر
فیدان، عراقچی ایله تلفونلا دانشیب
هاکان فیدان ایرانین خاریجی ایشلر ناظیر عباس عراقچی ایله منطقه مسئلهلری موذاکیره ائدیب.
