سوریه‌نین ایستانبول‌داکی باش کونسوللوغوندا "اینقیلاب بایراغی" آسیلیب

61 ایللیک بس حاکمیتی‌نین دئوریلمه‌سیندن سونرا سوریه‌نین ایستانبول‌داکی باش کونسوللوغوندا "اینقیلاب بایراغی" آسیلیب.

دونن ایشچی‌لر طرفیندن باش کونسوللوغون ائیوانین‌دان گؤتورولن حاکمیته عاید بایراغین یئرینه بو گون سحر ساعات‌لاریندا "سوریه اینقیلابی بایراغی"نین آسیلدیغی گؤرولوب.

قئید ائدک کی، نویابرین 27-ده سوریه‌ده حاکمیت قوه‌لری ایله موخالیف سلاح‌لی قروپ‌لار آراسیندا توققوشما‌لار شدتلنیب.

دسامبرین 7-ده پایتاخت دمشقه گیرمه‌یه باشلایان قروپ‌لارا کوتله‌لرین دستکی ایله حکومت قوه‌لری بورادا و بیر چوخ بؤلگه‌ده نظارتی تامامیله ایتیره‌رک سقوط ائدیب.

دونن اؤلکه‌ده بعث پارتیاسی‌نین 61 ایللیک حاکمیتی سونا چاتدیغی بیر واختدا بشار اسد پایتاخت‌دان قاچیب.