فیدان :"سوریه خالقی اؤز اؤلکه‌سی‌نین گه‌له‌جگینی یئنی‌دن فورما‌لاش‌دیرا‌جاق"

"پ.کا.کا ترور تشکیلاتی‌نین هر هانسی بیر قولو هئچ بیر شکیلده سوریه‌ده قانونی طرف ساییلا بیلمز. سوریه‌ده‌کی دانیشیق‌لاردا گؤروشه‌جگیمیز طرف اولا بیلمز".

بونو خاریجی ایشلر ناظیری هاکان فیدان قطرین پایتاختی دوحه‌ده کئچیریلن "دوحه فوروم-2024"-ده سوریه‌ده‌کی حادثه‌لرله باغلی مطبوعات کنفرانسیندا دئییب.

ناظیر فیدان دسامبرین 8-ده سحر ساعات‌لاریندا بشار اسد حکومتی‌نین حاکمیت‌دن گئتمه‌سیله سوریه‌نین یئنی مرحله‌یه کئچدیگینی بیلدیریب.

سوریه خالقی‌نین اؤز اؤلکه‌لری‌نین گه‌له‌جگینی یئنی‌دن فورمالاشدیراجاغینی بیلدیرن فیدان دئییب: "تورکیه سوریه‌نین سووئرئن‌لیگینه و اراضی بوتؤو‌لوگونه اؤنم وئریر. اؤلکه‌لرینی ترک ائتمک مجبوریتینده قالان میلیون‌لارلا سوریه‌لی آرتیق گئرییه قاییدا بیلرلر. بؤلگه‌ده‌کی و بؤلگه خاریجینده‌کی بوتون آکتورلارین ساکیت شکیلده حرکت ائتمه‌لری توصیه اولونور. سوریه‌نین اراضی بوتؤو‌لوگو قورونما‌لی‌دیر. پ.کا.کا کیمی ترور تشکیلات‌لاری‌نین بو پروسه‌دن فایدا الده ائتمه‌مه‌سی اوچون موباریزه آپارمالیییق. سوریه‌ده یئنی حکومت بوتون طرف‌لره اویغون شکیلده حرکت ائتمه‌لی‌دیر. بیز سوریه‌ده باریشین تامین اولونماسی اوچون الیمیزدن گلنی ائدجییک. بولگه‌ده‌کی آکتورلارلا امکداشلیغیمیزی داوام ائتدیرجییک".