آنتالیا بیر دفعه داها ذیروه‌ده

آنتالیا "۲۰۲۵ ایلی د-۸ (اینکیشاف ائد‌ن سککیز اؤلکه) توریزم شهری موکافاتی"نی قازانان ایلک شهر اولدو.

مدنیت و توریزم ناظیری محمد نوری ارسوی، سوسیال مئدیا حسابیندان ائتدیگی پایلاشیمدا، آنتالیانین بیر دفعه داها ذیروه‌ده اولدوغونو ایفاده ائتدی.

دونیانین گؤزده توریزم مرکزلریندن آنتالیانین، اینکیشاف ائد‌ن سککیز اؤلکه تشکیلاتی (د-۸) "۲۰۲۵ ایلی د-۸ توریزم شهری موکافاتی"نی قازاناراق بو عنوانی آلان ایلک شهر اولدوغونو بیلدیره‌ن ارسوی، بونلاری قئید ائتدی:

"آنتیک چاغلاردان گونوموزه قدر سایسیز مدنیته ائو صاحبلیگی ائتمیش، مد‌نی زنگینلیکلرینی طبیعی گؤزللیکلری ایله بیر آرایا گتیررک قوناقلارینا اونودولماز بیر تجروبه تقدیم ائد‌ن بو بنزرسیز شهریمیز، یالنیز تورکیه‌نین دئییل دونیانین ان چوخ سئچیله‌ن توریزم مرکزلریندن بیری اولماغا داوام ائد‌جک".