تورکیه‌دن جنوبی کوره ایله باغلی آچیقلاما

تورکیه جنوبی کوره‌ده باش وئره‌نلری ایزلدیگینی آچیقلاییب و بو اؤلکه‌ده‌کی تورک وطنداشلارینا دیقت‌لی اولمالاری و ایزدیحام‌دان اوزاق اولمالاری باره‌ده خبردارلیق ائدیب.

تورکیه خاریجی ایشلر ناظیرلیگینین دستک صحیفه‌سی ایکس سوسیال مئدیا پلاتفورماسین‌دا تورکیه‌نین سئول سفیرلیگینین نوتاسینی پایلاشیب.

جنوبی کوره‌دکی حادثه‌لری ایزلدیگی بیل‌دیریلن یازیدا وطنداشلارا گون‌ده‌لیک حیاتلارین‌دا دیقت‌لی اولمالاری و ایزدیحام‌دان اوزاق دورمالاری توصیه ائدیلیب.

آچیقلامادا «هر هانسی پروبلئمله اوزلشن و یا کمکه ایحتیاجی اولان وطنداشلار سفیرلیگیمیزه ۰۱۰۳۷۸۰۱۲۶۶ نؤوبت‌چی تلفون نؤمره‌سی ایله مراجعت ائده بیلرلر، معلومات وئریلمیش‌دیر.

جنوبی کوره‌ده پرئزیدئنت یوون سوک یئولون اعلان ائتدیگی نیظامی وضعیتین لغوی ایله باغلی پارلامئنته تقدیم ائدیلن اؤنرگه یئکدیل‌لیکله قبول ائدیلدیک‌دن سونرا کابینه عضولری نیظامی وضعیتین لغوینی تصدیقله‌ییب.