هاکان فیدان آوروپا تهلوکهسیزلیک و امکداشلیق تشکیلاتینین ایجلاسینا قاتیلاجاق
آوروپادا تهلوکهسیزلیک و امکداشلیق تشکیلاتینا (آتت) عضو اؤلکهلر مالتانین پایتاختی والتادا بیر آرایا گلهجک.
آوروپادا تهلوکهسیزلیک و امکداشلیق تشکیلاتینا (آتت) عضو اؤلکهلر مالتانین پایتاختی والتادا بیر آرایا گلهجک.
دسامبرین 5-6-دا کئچیریلهجک ناظیرلر شوراسینین 31-جی توپلانتیسیندا تورکیهنی خاریجی ایشلر ناظیری هاکان فیدان تمثیل ائدهجک. هر ایلین سونوندا کئچیریلن بو ایجلاس، آوروپادا تهلوکهسیزلیک و امکداشلیق تشکیلاتینین ان مهم قرار قبول ائدن و ایجرا ائدیجی اورقانیدیر. ایجلاسدا 40-آ یاخین عضو اؤلکهنین ناظیرلری ایشتیراک ائدهجک.
ایجلاسدا آورو-آتلانتیک و آوراسیا جوغرافیاسینداکی تهلوکهسیزلیک وضعیتی قیمتلندیریلهجک و مؤوجود چاغیریشلار موذاکیره ائدیلهجک.
هاکان فیدان توپلانتیدا آوروپالی همکارلارینا مراجعت ائدهجک. او، تورکیهنین اوکراینانین اراضی بوتؤولوگو و سووئرئنلیگینی دستکلدیگینی، عدالتلی و داواملی باریشین تامین ائدیلمهسی اوچون دیپلوماتیا و دیالوقا اوستونلوک وئردیگینی وورغولایاجاق.
ایجلاسدا ایسراییلین غزهیه هوجوملاری دا موذاکیره ائدیلهجک. هاکان فیدان آوروپادا تهلوکهسیزلیک و امکداشلیق تشکیلاتینین یاخین شرقده دایمی باریش و ثابیتلیگین برقرار اولماسینین واجیبلیگینی ده قئید ائدهجک.
ایلگیلیلی خبرلر
ایستانبول فینانس مرکزی یئنی موقاویلهلرله داها دا بؤیویور
فینانس سئکتورونون قلبی اولان "ایستانبول فینانس مرکزی" یئنی امکداشلیقلارلا داها دا بؤیویور.
