حاکان فیدان، آمریکالی و عربیستانلی قونومداشلاری ایله سوریهنی دانیشدی
خاریجی ایشلر ناظیری حاکان فیدان، آنتونی بلینکن و فیصل بن فرحان آل سعود ایله تلفوندا سوریهده یاشانان حادثهلری دانیشدی
خاریجی ایشلر ناظیری حاکان فیدان، آمریکا بیرلشمیش دؤولتلریندن قونومداشی آنتونی بلینکن و سعودی عربیستان خاریجی ایشلر ناظیری فیصل بن فرحان آل سعود ایله تلفوندا سوریهده یاشانان حادثهلری دانیشدی.
حاقان فیدان، بلینکن ایله تلفون دانیشماسیندا، تورکیهنین بؤلگهده ثابتسیزلیگی آرتیراجاق هر جور اینکیشافا قارشی اولدوغونو، بو چرچیوهده سوریهدهکی گرگینلیین آزالدیلماسیندان یانا اولدوقلارینی سؤیلهدی.
سوریهده باریش و دینجلیگین تاسیسی اوچون رژیم ایله موخالیفت آراسینداکی سیاسی سورهجین نتیجهلهنمهسی لازیم اولدوغونو ایفاده ائدن فیدان، تورکیهیه و سوریهلی وطنداشلارا قارشی ترور فعالیتلرینه اصلا ایجازه وئرمهیهجکلرینی ایفاده ائتدی.
ناظیر فیدان، لبنانداکی آتیشکسین قالیجی اولماسی اوچون ایسه ایسرائیلین وئردیگی سؤزلری توتماسی، غزهده ده آتیشکسین بیر آن اول تامین ائدیلمهسی و اینسانی کؤمگین بؤلگهیه چاتدیریلماسی لازیم اولدوغونو وورغولادی.
گؤروشمهده آیریجا اوکراینا و جنوب قافقاز مؤوضوعلاری اله آلیندی.
خاریجی ایشلر ناظیری حاقان فیدان، سعودی قونومداشی آل سعود ایله ائتدیگی تلفون گدانیشماسیندا دا سوریهدهکی سون اینکیشافلاری اله آلدی.
