آلتون: مئدیانین یولونو عدالت و حقیقت آیندینلاتمالیدیر
آلتون ایستانبول‌دا کئچیریلن ترت وورلد فوروم ۲۰۲۴-ده «مئدیا غرضی قورولماسی: قوطوب‌لشمه‌نین آرخاسینداکی قۆوه‌لرین دئشیفر ائدیلمه‌سی» آدلی اوتورمدا چیخیش ائدیب.
جمهورباشقانلیغی ارتباطات دیرئکتورو فخرالدین آلتون دئییب: غزه‌ده بۆتون دۆنیانین گؤزو قارشیسیندا بؤیوک بیر سوی‌قیریم باش وئریب.
آلتون ایستانبول‌دا کئچیریلن ت رت وورلد فوروم ۲۰۲۴-ده «مئدیا غرضی قورولماسی: قوطوب‌لشمه‌نین آرخاسینداکی قۆوه‌لرین دئشیفر ائدیلمه‌سی» آدلی اوتورمدا چیخیش ائدیب.
آلتون، گلوبال مئدیا شیرکتلرینین و سوسیال مئدیا پلاتفورمالارینین گلوبال ارتباطات جریانینی ایدئولوژی یؤنلندیرمه‌یه، ساختالاشدیریلمیش معلومات یایماغا و سیستئملی شکیلده دئزینفورماسیون ایستئحصال ائتمه‌یه باشلادیغینی آچیقلاییب.
بوتوولوکده مئدیانین ایندی تکجه سیاسی و ایدئولوژی قوطوب‌لشمه‌نین دئییل، هم‌ده سوسیال قوطوب‌لشمه‌نین منبعی اولماغا باشلادیغینی بیلدیرن فخرالدین آلتون قید ائدیب کی، آنتی-ایسلام و خارجی دوشمانلیغی تبلیغاتی مارژینال اولماقدان چیخیب، یاییم تشکیلاتلارینین اساس یاییم مؤقعیینه چئوریلیب.
بو گۆن گؤزوموزون قارشیسیندا غزه‌ده بؤیوک بیر سوی‌قیریم یاشاندیغینی وورغولایان آلتون دئییب:
"بو سوی‌قیریم بۆتون دۆنیانین گؤزو قارشیسیندا باش وئررکن، غرب مئدیاسی ایسرائیل‌ین غرب دۆنیاسی اۆچون نه قدر واجیب مۆتفیق اولدوغونو تبلیغ ائدیر. سیاسی جهتدن دوغرو بیر دیلدن ایستیفاده ائتمه ائحتیاجی حیس ائتمه‌دن ایسرائیله حاق قازاندیرماق اۆچون الیندن گلنی ائدیر. تکجه غزه‌لی‌لره و فیلیسطین‌لی‌لره دئییل، بوتون مۆسلمانلارا قارشی آچیق-آشکار نیفرت نیطقی یاییر"
«مئدیانین یولونو عدالت و حقیقت آیندینلاتمالیدیر» دئین آلتون، «بو گۆن مئدیا دۆنیادا باشدا غزه‌ده‌کی سویقیریما، اینسانلیغا قارشی جینایتلره، ساواش‌لارا، تئرورا، نیظامسیز گؤچ دالغالارینا، مالی چالخانتی‌لارینا، غذا و تدارۆک زنجیری بؤحرانلارینا قارشی «حاقی» مۆدافیعه ائتمک یئرینه "گۆجلونو" تبلیغ ائدیر . بو نیظام دئییشمه‌لیدیر" دئدی.
