تورکیه‌دکی اونیوئرسیته‌لر خاریجده پروقراملار آچابیله‌جک

تورکیه‌دکی اونیوئرسیته‌لر، عالی تحصیل شوراسی‌نین (یؤک) پروتوکوللاری چرچیوه‌سینده خاریجده پروقراملار آچماق صلاحیتینه مالیکدیر.

رسمی قزئتده درج ائدیلن یئنی تنظیملمه خاریجده اؤن لیسانس، لیسانس و لیسانس اوستو پروقراملارینین آچیلماسی اوچون طلب اولونان پروسه‌دور و پرینسیپلری معین ائدیر.

بو پروقراملار یؤک-ون راضیلیغی ایله حیاتا گئچیریله‌جک و یئرلی اؤیرنجی‌لر مووافیق اؤلکه‌نین مرکزی ایمتیحان نتیجه‌لرینه گؤره قبول اولوناجاقلار.

خاریجده‌کی پروقراملارین تورکیه‌نین عالی تحصیل یئترلیلیک چرچیوه‌سینه اویغون اولماسی و اوز اوزه تحصیل کیمی تقدیم ائدیلمه‌سی طلب اولوناجاق.

طلبه‌لره پروقرامی آچمیش عالی تحصیل موسیسه‌سینین آدی و پروقرامین یئرلشدیگی یئر قید اولونان دیپلوملار وئریله‌جک و بو دیپلوملار هر ایکی اؤلکه طرفیندن تانیناجاق. خاریجده آچیلان پروقراملار تورکیه‌دکی آنالوژی پروقراملارین تدریس پلانلارینا اویغون حیاتا پئچیریله‌جک و کیفیت تأمیناتی تامین ائدیله‌جک.