اردوغان: ایسلام وارسا تورک وار، کورد وار، عرب وار، ایسلام وارسا تورکیه وار

پرئزیدئنت رجب طیب اردوغان سون زامانلار گوندمه گلن ایسلامسیز تورکلوک فیکیرلرینه تپکی وئریب.

باشکند آنکارادا دیانت ایشلری باشچیلیغی کنفرانس سالونوندا گئچیریلن ۷-جی دیانت شوراسی‌نین ایجلاسیندا چیخیش ائدن اردوغان، "ایسلام وارسا تورک وار، کورد وار، عرب وار، ایسلام وارسا تورکیه وار" دئدی.

پرئزیدئنت وورغولاییب کی، موسلمانلاری بوتون دَگرلری ایله دیجیتال اینانج سیستئملریندن قوروماق اوچون تعجیلی تدبیرلر گؤرولمه‌لیدیر.

اردوغان، "جغرافیامیزدا هر بیر ایرقین اساسی ایسلامدیر، اونون بیزه گتیردیگی قارداشلیق روحودور. تورکو، کوردو، عربی خوصوصیله بیر آرادا توتان اورتاق دینیمیزدیر. ایسلام وارسا، بایراق وار، وطن وار، آزادلیق وار، هر شئیدن اول ایسلام وارسا، تورکیه وار" دئدی.