تورکیه‌ده بیلیم مرکزلرینین سایی ۴۰ اولاجاق

صنایع و تئکنولوژی ناظیری محمد فاتح کاجیر، ایلین سونونا قدر ۲-سی ایستانبول‌دا اولماقلا ۵ یئنی بیلیم مرکزی آچاجاقلارینی بیلدیریب.

کاجیر، "بئله‌لیکله، اؤلکه‌میزده بیلیم مرکزلرینین سایی ۴۰-آ چاتدیریلاجاق" دئدی.

کاجیر، جمعیتده علم و تئکنولوژی‌یه دقتی آرتیرماق اوچون آچدیقلاری بیلیم مرکزلرینین سایینی آرتیرماغا داوام ائتدیکلرینی سؤیله‌دی.

بو مرکزلرین اهمیتینه دقت چکن کاجیر، "ایلین سونونا قدر ایستانبول‌دا ایکی، چوروم، شانلی‌اورفا و آدانادا بیر بیلیم مرکزی آچاجاغیق. بئله‌لیکله، عومومیلیکده ۲۲ ایلی علم مرکزلری ایله بیر آرایا گتیرجه‌ییک. اؤلکه‌میزده علم مرکزلرینین سایی آرتاجاق" دئدی. 

کاجیر، "صنایع و تئکنولوژی ناظیرلیگی اولاراق بیز بوندان سونرا دا علم و تئکنولوژی کولتورونون یاییلماسی، اینسانلاریمیزی بیلیم ایله بیر آرایا گتیرمک، بو ساحه‌ده معاریفلندیرمه ایشینی داوام ائتدیره‌جک، گنجلریمیزی و اوشاقلاریمیزی کشفلره یؤنلدجه‌ییک" دئدی.