یئرلی‌کایا، ماجاریستانین ایچ ایشلر ناظیری ایله گؤروشوب

تورکیه ایچ ایشلر ناظیری علی یئرلی‌کایا ماجاریستانین ایچ ایشلر ناظیری شاندور پینتئر ایله گؤروشوب.

ناظیر یئرلی‌کایا، سوسیال مئدیا حسابین‌دان وئردیگی آچیقلامادا:

"بوداپئشت پروسه‌سینین 7-جی ناظیرلر کونفرانسی اوچون ایشتیراک ائتدیگیمیز ماجاریستان‌دا نماینده هئیتلری آراسی گؤروشوموز اولدو. ناظیرلیکلریمیز آراسین‌دا امکداش‌لیق مسئله‌لرینی، خصوصیله تهلوکه‌سیزلیک و غیری-قانونی گؤچ ایله موباریزه‌نی قیمتلندیردیک" دئدی.