تورکیه‌دن ایسرائیلین اووردون چایینین غرب ساحیلینی ایلحاق چاغریسینا تپکی
تورکیه بعضی ایسرائیل مقاملارینین ایشغال آلتین‌داکی اوردون چایینین غرب ساحیلینی ایلحاق ائتمه‌یه چاغیران آچیقلامالارینا رئاکسیا وئریب.
تورکیه بعضی ایسرائیل مقاملارینین ایشغال آلتین‌داکی اوردون چایینین غرب ساحیلینی ایلحاق ائتمه‌یه چاغیران آچیقلامالارینا رئاکسیا وئریب.
خاریجی ایشلر ناظیرلیگی، بعضی ایسرائیل مقاملارینین اووردون چایینین غرب ساحیلی ایله باغلی آچیقلامالاری ایله باغلی، «بیز بعضی ایسرائیل مقاملارینین ایشغال آلتین‌داکی اووردون چایینین غرب ساحیلینین ایلحاقی لئهینه وئردیگی آچیقلامالاری قطعی شکیل‌ده رد ائدیریک» دئدی.
ناظیرلیک‌دن وئریلن یازی‌لی آچیقلامادا،
"بعضی ایسرائیل مقاملارینین ایشغال آلتین‌داکی اوردون چایینین غرب ساحیلینین ایلحاقی لئهینه وئردیگی آچیقلامالاری قطعی شکیل‌ده رد ائدیریک. بین الخالق حقوقا و ایکی دؤولت‌لی حله محل قویمایان بو آچیقلامالار ایسرائیلین سون مقصدینین فیلیسطین تورپاقلارینی اله کئچیرمک اولدوغونون ثبوتودور. ایسرائیلین فیلیسطین‌لیلره قارشی تؤرتدیگی سویقیریمی و ایشغال‌چی‌لیق سیاستینین جزاسیز قالماسی (ایسرائیلین باش ناظیر بنیامین) نتانیاهو و اونون طرفدارلارینی داها دا هوسلندیریر"دئییلیر.
بون‌دان علاوه، آچیقلامادا قئید اولونوب کی، بیرلشمیش میللتلر تشکیلاتینین تهلوکه‌سیزلیک شوراسی و بین الخالق ایجتیماعیت ایسرائیلین غیری-قانونی سیاستلرینه قارشی سرت مؤقع توتمالی‌دیر.
ایسرائیلین آشیری ساغچی مالییه ناظیر بئزالل سموتریج، رهبرلیک ائتدیگی آشیری ساغچی دینی صهیونیزم پارتیسینین قروپ توپلانتی‌سین‌دا، ایسرائیلین ایشغال آلتین‌داکی اوردون چایینین غرب ساحیلینی ایلحاق ائتمگین واختینین چاتدیغینی ادعا ائتدی و مووافیق قوروملارا بو بؤلگه اوچون لازیمی آلت یاپی ایشلرینه باشلاما تعلیماتی وئردیغینی و 2025-جی ایلی غرب ساحیلینین "ایلهاق ایلی" اولاجاغینی ساوونموشدو.
