اردوغان: "تورکیه‌نی زومرود یاشی‌لی بیر اؤلکه‌یه چئویرمک اوچون چالیشیریق"
11 نویابر میللی آغاچلاندیرما گونونده، اردوغان اینسانلیغا نفس اولماق اوچون هرکه‌سی فیدان اکمه‌یه چاغیردی.
پرزیدنت رجب طیب اردوغان، تورکیه‌نی زومرود یاشی‌لی بیر اؤلکه‌یه چئویرمک و گله‌جک نسیل‌لره هر جهت‌دن داها گؤزل بیر تورکیه بوراخماق اوچون وار گوجوله چالیشدیق‌لارینی بیلدیریب.
11 نوامبر میللی آغاچلاندیرما گونو موناسیبتیله ویدئو مساژ یایان پرئزیدئنت، "گله‌جه‌یه نفس" شعاری آلتیندا باشلادیلان آغاچلاندیرما سفربرلیگی چرچیوه‌سینده 7 میلیارددان آرتیق فیدانین تورپاقلا بولدوشدوگونو و اورمان ساحه‌سی‌نین 12 فایز آرتا‌راق 23،4 میلیون هکتارا چیخدیغینی وورغولاییب. اردوغان تورکیه‌نین آغاچلاندیرما ایشلرینده آوروپادا بیرینجی، دونیادا ایسه دؤردونجو سیرادا اولدوغونو قئید ائدیب.
جمهور باشقانی اردوغان بیلدیریب کی، بو ایلکی شعار، بیر ایلدن چوخ‌دور فیلیسطین‌ده داوام ائدن سوی قیریما و دونیا اوزره مظلوم اینسان‌لاردان گلن فریادا دقت چکمک اوچون "گله‌جه‌یه نفس، اینسانلیغا نفس" اولا‌راق معین ائدیلیب.
اردوغان، "بو گون اکه‌جگیمیز فیدان‌لار اینانیرام کی، اینسانلیغین افق‌ونو قارال‌دان بوتون ظلم‌لره، قیرغین‌لارا، سوی قیریم‌لارا و اینسان‌لیق‌دان کنار هوجوم‌لارا قارشی بیر اومید اولا‌جاق. فیدان‌لاریمیز، غزه زولاغیندا شهید ائدیلن قارداش‌لاریمیز باشتا اولماقلا، بوتون معصوم جوغرافیا‌لاردا حیاتینی ایتیرن اینسان‌لارا اتحاف اولونا‌جاق" دئیه وورغولاییب.
جمهور باشقانی اردوغان، اینسانلیغا نفس اولماق ایسته‌ین‌لری فیدان اکمه‌یه چاغیریب.
