شیمشک، چین‌ین دؤولت باشقانی یاردیمجیسی هان جینق ایله گؤروشوب

تورکیه خزینه و مالیه ناظیری محمد شیمشک، چین‌ین دؤولت باشقانی یاردیمجیسی هان جینق ایله گؤروشوب.
تورکیه‌-چین حؤکومتلرآراسی امکداشلیق کمیته‌سینین ایکینجی ایجلاسی اوچون پئکن‌ده اولان شیمشک، گؤروشلرینی داوام ائتدیریر.

شیمشک تماسلاری چرچیوه‌سینده چین‌ین دؤولت باشقانی یاردیمجیسی هان ایله گؤروشوب.

شیمشک، پئکن‌ده بؤیوک خالق سالونوندا تشکیل ائدیلن گؤروشده بیلدیریب کی، پرئزیدئنت رجب طیب اردوغان و چین دؤلت باشچیسی شی جین‌پینگ‌ین اورتاق ایراده‌سینه اویغون اولاراق، ایکی اؤلکه آراسینداکی علاقه‌لری اینکیشاف ائتدیریر.

دؤولت باشقانی یاردیمجیسی هان، ایکی اؤلکه لیدئرلرینین ایراده‌سینه اویغون اولاراق، سون ایللرده علاقه‌لرده اؤنملی سورعتین الده ائدیلدیگینی و بو قونودا تورکیه‌-چین حؤکومتلرآراسی امکداشلیق کمیته‌سینین ایکینجی ایجلاسینین پئکن‌ده اولماسینا اهمیت وئردیکلرینی بیلدیریب.

چین طرفینین تورکیه ایله قارشیلیقلی سیاسی اعتیمادی داها دا گوجلندیرمه‌یی هدفلدییگینی قید ائدن هان، ایکی اؤلکه‌نین؛ اساس ماراقلارین قورونماسی، اینکیشاف استراتئژیلرینین اویغونلاشدیریلماسی، بین‌الخلق و بؤلگه‌سل قونولاری اوزره هماهنگلیغین گوجلندیریلمه‌سی ساحه‌سینده بیر-بیرینه دسته‌ک اولماق اوچون بیرگه چالیشمایا حاضیر اولدوقلارینی بیلدیریب.

گؤروش زامانی طرفلر تیجارت، سرمایه‌گذاری‌لر، نقلیات-ایلتیشیم آلت‌یاپیسی، انئرژی، اکینچیلیق و توریزم کیمی امکداشلیق ساحه‌لرینی، ائله‌جه‌ده دیگر ایکی‌طرف‌لی مسئله‌لری موذاکیره ائدیبلر.