اردوغان: ترامپ‌دان کؤهنه حؤکومتین سهولرین‌دن ال چکمه‌سینی گؤزله‌ییریک
پرئزیدئنت اردوغان، ایستانبول‌دا، «۶. بین‌الخلق قادینلار و عدالت ذیروه‌سی»نده چیخیش ائدیب
پرئزیدئنت رجب طیب اردوغان، آمریکادا جمهور اشقانلیغی یاریشیندا غالیب گلن دونالد ترامپ‌دان گچمیش حؤکومتین سهو سیاستیندن ال چکمه‌سینی گؤزلدیغینی بیلدیریب.
پرئزیدئنت اردوغان، ایستانبول‌دا، «۶. بین‌الخلق قادینلار و عدالت ذیروه‌سی»نده چیخیش ائدیب.
اردوغان غزه‌ده سون ۱۳ آیدا ایسرائیل طرفیندن اؤلدورولن ۵۰ مین‌دن چوخ گوناهسیزین اوچده ایکیسینین قادین و اوشاقلار اولدوغونا دقت چکیب.
"غزه‌ده بومبالار آلتیندا اؤلادلارینی، عائله‌لرینی، وطنلرینی و داعوالارینی قورویان فیلیسطین‌ین جسور قادینلاری امتین غرور عابیده‌سی کیمی نهنگلره چئوریلیرلر" دئین اردوغان، "غزه و لبنان‌دا قتل‌عام دایانانا، آتیش‌کس و باریش برقرار اولانا قدر قارداشلاریمیزی قوروماغا داوام ائدجه‌ییک" دئدی.
اردوغان، "عزیز دوستوم ترامپ‌ین ایکینجی پرئزیدئنتلیک دؤورونده اولکی حؤکومتین سهو سیاستیندن ال چکمه‌سینی گؤزله‌ییریک. بیز اورکدن اینانیریق کی، جناب پرئزیدئنت (ترامپ) ساواشلارین سونا چاتماسی اوچون مسئولیتی اؤز اوزرینه گؤتوره‌جک و بونا اورکدن اومید ائدیریک" دئدی.
