هاکان فیدان یونانیستان‌دا سفرده دیر

خاریجی ایشلر ناظیری هاکان فیدان، تورکیه-یونانیستان موناسیبت‌لری‌نین مثبت ایستیقامتده ایرلیلدیگینی بیل‌دیره‌رک، "قارشیمیزداکی تاریخی ایمکان‌دان یارارلانمالیییق" دئدی.

هاکان فیدان، یونانیستانین پایتاختی آتن‌ده یونانیستانین خاریجی ایشلر ناظیری جورج گراپتریتیس ایله بیرگه مطبوعات کونفرانسیندا چیخیش ائتدی.

ناظیر فیدان ایکی اؤلکه آراسینداکی موناسیبت‌لرین مثبت ایستیقامتده ایرلیلدیگینی قئید ائده‌رک، "چوخ اؤلچولو ایش بیرلیگیمیز گئتدیکجه گوج‌لنیر. قارشیمیزداکی تاریخی ایمکان‌دان یارارلانما‌لی و اؤلکه‌لریمیز آراسینداکی مثبت موحیطی دایمی حالا گتیرمه‌لییک. ابدی قونشولوغوموزو ابدی  دوستلوغا چئویرمه لییک." دئدی.

فیدان، نقلیات امکداش‌لیغی چرچیوه‌سینده ایپسالا-کیپی سرحد کئچید منطقه‌سینده ایکینجی کؤپرونون اینشاسینا دایر حاضیرلیق ایشلری‌نین داوام ائتدیگینی وورغولایا‌راق، "قیبریس مسئله‌سینی آدا‌داکی رئال‌لیق‌لار اساسیندا موذاکیره ائتمگه داوام ائتدیرجییک. واخت کئچدیکجه فدراسیون مدلی‌‌نین آدادا آرتیق کئچرلی اولمادیغی ثبوت اولونموش‌دور. آدادا هم تورک‌لرین، هم روم‌لارین تهلوکه‌سیزلیگینی تامین ائده‌جک یئنی بیر روحا احتیاج وار" دئیه دانیشدی.